మారుతి సుజుకి బ్రెజ్జా ఫేస్‌లిఫ్ట్ విడుదల

దేశీయ మార్కెట్‌లో మారుతి సుజుకి బ్రెజ్జా ఫేస్‌లిఫ్ట్ లాంచ్ అయింది. స్టైలిష్ డిజైన్, ఇంటీరియర్, ఎక్స్‌టీరియర్‌లో చాలా మార్పులు చేసింది. దీంతో పాటు 2026 బ్రెజ్జా గతంతో పోలిస్తే ఎక్కువ ఇంజన్ ఆప్షన్లను అందిస్తోంది. ఇది పెట్రోల్, టర్బో పెట్రోల్, CNG ఇంజన్ ఆప్షన్‌లతో వస్తోంది. కొత్త బ్రెజ్జా అనేక వేరియంట్లలో లభ్యమవుతోంది. సీఎన్జీ ట్యాంకును కార్ అండర్ బాడీకి మార్చింది. దీంతో బూట్ స్పేస్ మరింత కలిసి వస్తుంది. బ్రెజ్జా ఫేస్‌లిఫ్ట్ రాకతో అత్యధికంగా అమ్ముడయ్యే కాంపాక్ట్ SUV విభాగంలో భారీ పోటీ నెలకొంది. ఈ కారు హ్యుందార్ వెన్యూ. టాటా నెక్సాన్, స్కోడా కైలాక్, మహీంద్రా XUV3XO, కియా సోనెట్‌లో పోటీ పడబోతోంది. ఇక ధర విషయానికి వస్తే రూ. 7.39 లక్షల(ఎక్స్-షోరూం) ప్రారంభ ధరతో కార్‌ను రిలీజ్ చేసింది. మారుతి సుజుకి బ్రెజ్జాకు ఎట్టకేలకు 1.0-లీటర్ టర్బోచార్జ్డ్ పెట్రోల్ ఇంజన్‌తో వస్తోంది. ఈ ఇంజన్ 110 హెచ్‌పి, 170 ఎన్ఎమ్ టార్క్‌ను ఉత్పత్తి చేస్తుంది. 1.5 లీటర్ నేచురల్లీ ఆస్పిరేటెడ్ పెట్రోల్ ఇంజిన్ 103 హెచ్‌పి, 139 ఎన్ఎమ్ టార్క్‌ను జనరేట్ చేస్తుంది. పాత బ్రెజ్జాలో ఈ ఇంజన్‌ను వాడారు. సీఎన్జీ వేరియంట్ కూడా అందుబాటులో ఉంది. అన్ని వేరియంట్లలో 6-స్పీడ్ మాన్యువల్ గేర్ బాక్స్ స్టాండర్డ్‌గా లభిస్తుంది. 1.5 లీటర్ పెట్రోల్ వేరియంట్‌లో 6-స్పీడ్ ఆటోమెటిక్ ట్రాన్స్‌మిషన్ కూడా అందుబాటులో ఉంది. ఎక్స్‌టీరియర్‌లో కొన్ని మార్పులు చేశారు. ముందు భాగంలో డార్క్ క్రోమ్ ఫినిషింగ్‌తో ప్యానెల్‌లను కలిపే హెడ్ ల్యాంప్‌లతో కూడిన కొత్త గ్రిల్ ఉంది. బంపర్ కూడా కొత్తగా డిజైన్ చేశారు. LED హెడ్‌ల్యాంప్స్, L-షేప్ DRLs ఆకర్షణగా నిలుస్తాయి. ఇంటీరియర్‌లో 10.1 అంగుళాల SmartPlay Pro+ ఇన్ఫోటైన్‌మెంట్ సిస్టమ్, బిల్ట్-ఇన్ నావిగేషన్, అలెక్సా సపోర్ట్, 64-కలర్ అంబియంట్ లైటింగ్, వెంటిలేటెడ్ ఫ్రంట్ సీట్లు, ఎయిర్ ప్యూరిఫైయర్, వైర్‌లెస్ ఫోన్ ఛార్జింగ్ వంటి ప్రీమియం ఫీచర్లు అందుబాటులో ఉన్నాయి.