దేశీయ మార్కెట్లో టయోటా ఎబెల్లా ఎలక్ట్రిక్ SUV డెలివరీలు భువనేశ్వర్లో ప్రారంభించింది. ఈ కార్ మారుతి సుజుకి e-విటారా ప్లాట్ఫారమ్పై ఆధారపడి ఉండటం వల్ల వినియోగదారులకు రెండు బ్రాండ్లలో ఒకే తరహా EV ఎంపిక చేసే అవకాశం కల్పిస్తోంది. ఇది టయోటా ఎలక్ట్రిక్ వాహనాల లైన్ అప్ లో ముఖ్యమైన మైలురాయి. ఎబెల్లా SUVలో శక్తివంతమైన బ్యాటరీ ఆప్షన్లు, ఆధునిక ఫీచర్లు, సౌకర్యవంతమైన ఇంటీరియర్ అందుబాటులో ఉన్నాయి. డిజిటల్ ఇన్స్ట్రుమెంట్ క్లస్టర్, టచ్స్క్రీన్, వైర్లెస్ ఆపిల్ కార్ప్లే, ఆండ్రాయిడ్ ఆటో, వెంటిలేటెడ్ సీట్లు, JBL సౌండ్ సిస్టమ్, ఎయిర్బ్యాగ్లు, కెమెరా, లెవల్ 2 ADAS వంటి ఆధునిక సాంకేతికతలు ఉన్నాయి . ఈ కార్ హ్యుండై క్రెటా ఎలక్ట్రిక్, టాటా కర్వ్ EV, టాటా హారియర్ EV వంటి మోడళ్లకు గట్టి పోటీని ఇవ్వనుంది. ఇది టయోటా మొదటి ఎలక్ట్రిక్ SUV ఆధునిక సాంకేతికత, ప్రీమియం డిజైన్, భద్రతా ఫీచర్లతో ప్రత్యేకతను కలిగి ఉంది. ఈ కార్ 61 kWh లిథియం ఐరన్ ఫాస్ఫేట్ బ్యాటరీతో వస్తుంది. ఇది 543 KM వరకు రేంజ్ అందిస్తుంది. 128 kW మోటార్ పవర్ , 193 Nm టార్క్తో ఇది శక్తివంతమైన డ్రైవింగ్ అనుభవాన్ని ఇస్తుంది. ఫాస్ట్ ఛార్జింగ్ సౌకర్యం ద్వారా 10% నుండి 80% వరకు కేవలం 45 నిమిషాల్లో ఛార్జ్ అవుతుంది. SUV టాప్ స్పీడ్ 180 kmph. ఇంటీరియర్లో 10.1 ఇంచ్ ఆడియో డిస్ప్లే, 10.25- ఇంచ్ టచ్ స్క్రీన్, అంబియంట్ లైటింగ్, డ్యూయల్-టోన్ కేబిన్, i-Connect సిస్టమ్, పానరోమిక్ సన్ రూఫ్ వంటి ఆధునిక ఫీచర్లు ఉన్నాయి. వైర్లెస్ ఆపిల్ కార్ప్లే& ఆండ్రాయిడ్ ఆటో, స్మార్ట్వాచ్ కనెక్టివిటీ వంటి ఆప్షన్లు డ్రైవింగ్ను సౌకర్యవంతం చేస్తాయి. ఎక్స్టీరియర్లో 18 ఇంచ్ అలాయ్ వీల్స్, LED హెడ్లాంప్స్, హ్యామర్హెడ్ స్టైలింగ్ SUVకి ప్రత్యేక లుక్ ఇస్తాయి. సేఫ్టీ పరంగా ఎబెల్లా SUVలో 7 SRS ఎయిర్బ్యాగ్లు, 360° కెమెరా, లెవల్ 2 ADAS ఉన్నాయి. లేన్ అసిస్ట్, అడాప్టివ్ క్రూయిజ్ కంట్రోల్, రియర్ క్రాస్ ట్రాఫిక్ అలర్ట్ వంటి ఫీచర్లు డ్రైవింగ్లో సేఫ్టీని అందిస్తాయి . SUV బాడీ నిర్మాణం హై టెన్సైల్ మెటీరియల్తో అదనపు రక్షణను అందిస్తుంది. 4285 mm పొడవు, 1800 mm వెడల్పు, 1640 mm ఎత్తు, 2700 mm వీల్బేస్, 5 సీటింగ్ సామర్థ్యం, 1815 kg కర్బ్ వెయిట్ తో ఉంటుంది . ఈ SUV హ్యుందాయ్ క్రెటా ఎలక్ట్రిక్, టాటా కర్వ్ EV, టాటా హారియర్ EV వంటి మోడళ్లకు మార్కెట్ లో గట్టి పోటీ ఇవ్వనుంది .
0 Comments