ఫిబ్రవరి 10న ఒప్పో కే 14 ఎక్స్ విడుదల

దేశీయ మార్కెట్లో ఫిబ్రవరి 10న ఒప్పో కే 14 ఎక్స్ విడుదల కానున్నది. అయితే హైప్ అంతా రాబోయే కే 14 టర్బో మరియు కే 14 టర్బో ప్రో వెర్షన్ల పైనే ఉంది. గేమింగ్‌ను నెక్స్ట్ లెవల్‌కు తీసుకెళ్లడమే లక్ష్యంగా వస్తున్న ఈ స్మార్ట్‌ఫోన్లు, పవర్‌ఫుల్ ప్రాసెసర్‌తో పాటు అదిరిపోయే కూలింగ్ టెక్నాలజీని కలిగి ఉంటాయని మార్కెట్ వర్గాల్లో గట్టి టాక్ నడుస్తోంది. ప్రస్తుతం అందుతున్న లీక్స్ ప్రకారం, ఈ కొత్త సిరీస్ ఫోన్లు ఏప్రిల్ నెలలో మొదట చైనా మార్కెట్‌లో సందడి చేయనున్నాయి. ఒప్పో కే 14  టర్బో మోడల్ 6.59 ఇంచుల డిస్‌ప్లేతో వస్తుండగా, ప్రో వేరియంట్ మాత్రం 6.78 ఇంచుల భారీ స్క్రీన్‌తో యూజర్లకు విజువల్ ఫీస్ట్‌ను అందించనుంది. ముఖ్యంగా ఇందులో వాడబోయే MediaTek Dimensity 9500 చిప్‌సెట్ అనేది 3nm ప్రాసెస్‌పై తయారైంది, ఇది మల్టీ టాస్కింగ్ మరియు హెవీ గేమింగ్ సమయంలో ఫోన్ ఏమాత్రం హ్యాంగ్ అవ్వకుండా స్మూత్ ఎక్స్‌పీరియన్స్‌ను ఇస్తుంది. ప్రొఫెషనల్ గేమర్స్ కోసం ఇందులో ప్రత్యేకంగా యాక్టివ్ కూలింగ్ ఫ్యాన్‌ను కూడా అమర్చడం విశేషం. యూజర్ల అవసరాలకు తగ్గట్టుగా 12GB RAM నుండి ఏకంగా 16GB వరకు వేరియంట్లను అందుబాటులోకి తెస్తోంది. 512GB వరకు ఇంటర్నల్ స్టోరేజ్ ఉండటం వల్ల ఫోటోలు, వీడియోలు మరియు హెవీ గేమ్స్ స్టోర్ చేసుకోవడం చాలా ఈజీ అవుతుంది. డిజైన్ పరంగా చూస్తే వైట్, గ్రే, పింక్ రంగులతో పాటు ట్రెండీగా ఉండే 'ఫోర్జ్డ్ కార్బన్' షేడ్స్‌లో ఈ ఫోన్లు మెరిసిపోనున్నాయి. సుమారు 201 గ్రాముల బరువుతో ఉండే ఈ డివైజ్‌లు చేతిలో పట్టుకుంటే ప్రీమియం ఫీల్‌ను ఇస్తాయని టెక్ నిపుణులు అంచనా వేస్తున్నారు.