కాఫీ, టీ తగినంత మోతాదులో తాగితే ఎటువంటి సమస్యలు ఉండవు !

కాఫీ, టీ తగినంత మోతాదులో తాగితే ఎటువంటి సమస్యలు ఉండవని నిపుణులు సూచిస్తున్నారు. కాఫీలో ఉండే కెఫిన్‌ తీసుకుంటే రక్తప్రసరణ మెరుగుపడుతుంది. మెదడుకు రక్తసరఫరా బాగుంటుంది. దీంతో మైగ్రేన్‌, టెన్షన్‌ తలనొప్పి వంటి సమస్యలు తగ్గుతాయని నిపుణులు చెబుతున్నారు. శరీరంలో డోపమైన్ అనే హార్మోన్ రిలీజ్ అవ్వడానికి కెఫిన్‌ సాయపడుతుంది. ఇది మనసును ఆనందంగా, ప్రశాంతంగా ఉంచుతుంది. కొందరు కెఫిన్ తో పాటు పెయిన్ కిల్లర్స్ కూడా తీసుకుంటుంటారు. కెఫిన్ నరాల పనితీరును మెరుగుపరుస్తుంది. నాడీ వ్యవస్థను ఉత్తేజపరుస్తుంది.. అలసట తగ్గుతుంది. దీంతో ఉత్సాహంగా ఉండొచ్చు. కెఫిన్ మనసుకు శాంతిని కలిగిస్తుంది. కెఫిన్‌ ఉన్న ఆహారాలు, పానీయాలు తీసుకుంటే మానసిక ఒత్తిడి తగ్గుతుంది. కెఫిన్ ఉన్న పదార్థాలను తీసుకుంటే ఫోకస్ పెరుగుతుంది. జ్ఞాపకశక్తి, ఏకాగ్రత మెరుగవుతాయి. క్రియేటివిటీ పెరుగుతుంది. బాడీ ఎక్ససైజ్ చేసేటపుడు కూడా కెఫిన్ ఉన్న పదార్థాలు తీసుకోవచ్చిన వైద్యులు వివరిస్తున్నారు. కెఫిన్ ఎక్కువగా తీసుకుంటే మెటాబాలిజం రేటు పెరుగుతుంది. కొవ్వు కరుగుతుంది. దీంతో సులభంగా బరువు తగ్గవచ్చు. తగిన మోతాదులో కెఫిన్ తీసుకోవడం వల్ల రక్తప్రసరణ మెరుగుపడుతుంది. గుండె పనితీరు బాగుంటుంది. గుండె సంబంధిత సమస్యలు తగ్గుతాయి.