ఒక్కసారి ఛార్జ్‌ చేస్తే 50 ఏళ్లు పనిచేసే బ్యాటరీ ?

చైనాకు చెందిన బీటావోల్ట్ టెక్నాలజీ అనే కంపెనీ 50 ఏళ్లపాటు పనిచేసే రేడియోన్యూక్లైడ్ బ్యాటరీని అభివృద్ధి చేస్తోంది. ఈ లెక్కన ఒకసారి స్మార్ట్‌ ఫోన్‌ ఛార్జ్‌ చేస్తే మళ్లీ చేయాల్సిన అవసరం ఉండదు. బీటావోల్ట్‌ టెక్నాలజీ స్మార్ట్‌ ఫోన్స్‌లో ఇమిడే న్యూక్లియర్‌ బ్యాటరీల తయారీపై పనిచేస్తుంది. అంతరిక్షంలో సూర్యుడి నుంచి దూరంగా ఉండే పరికరాల పనితీరు కోసం ఈ టెక్నాలజీని ఉపయోగిస్తారు. న్యూక్లియర్‌ బ్యాటరీల తయారీ గతంలో చాలా సార్లు విఫలమయ్యాయి. దీనికి కారణంగా స్మార్ట్‌ఫోన్‌లలో ఇమిడే విధంగా బ్యాటరీలను తయారు చేయలేకపోవడమే. అలాగే ప్లూటోనియం వంటి రేడియోధార్మిక పదార్థాన్ని స్మార్ట్‌ఫోన్‌లో ఉపయోగించడం ప్రమాదకరం. కాబట్టి, బీటావోల్ట్ టెక్నాలజీ ఈసారి భిన్నమైన మార్గాన్ని ఎంచుకుంది. ఇది కృత్రిమ వజ్రం పొరను ఉపయోగించే రేడియోన్యూక్లైడ్ బ్యాటరీని అభివృద్ధి చేస్తోంది, ఇది సెమీకండక్టర్ లేయర్‌గా పనిచేస్తుంది. సాధారణ లిథియం బ్యాటరీలతో పోల్చితే.. న్యూక్లియర్ బ్యాటరీలు 10 రెట్లు శక్తి కలిగి ఉంటాయి. న్యూక్లియర్‌ బ్యాటరీలు..1 గ్రాము బ్యాటరీలో 3,300 మెగావాట్-గంటలను నిల్వ చేయగలవు. ఈ కంపెనీ ఇప్పటికే బీబీ100 అనే వర్కింగ్‌ మోడల్‌ను తీసుకొచ్చింది. ఈ బ్యాటరీ 15 x 15 x 5 mm పరిమాణంలో ఉంది. 100 మైక్రోవాట్ల విద్యుత్‌ను అందిస్తుంది. మరి నిజంగానే ఈ బ్యాటరీలు అందుబాటులోకి వస్తే టెక్నాలజీ రంగంలో ఇదో అద్భుతం అనడంలో ఎలాంటి సందేహం లేదు.