ఆంధ్రప్రదేశ్ లోని తిరుపతి జిల్లా మత్స్యశాఖ డిప్యూటీ డైరెక్టర్ రెడ్డన్న లంచం తీసుకుంటూ ఏసీబీ అధికారులకు దొరికిపోయారు. గుడిమల్లం ప్రాంతానికి చెందిన ఒక రైతు తన భార్య పేరు మీద మత్స్య ప్లాంట్ ఏర్పాటుకు అనుమతి కోరారు. ఈ రాయితీ అనుమతుల కోసం రెడ్డన్న రూ. 6 లక్షలు డిమాండ్ చేశారు. బాధితుడు రూ. 3 లక్షలకు ఒప్పందం కుదుర్చుకుని ఏసీబీని ఆశ్రయించారు. రైతు నుంచి రూ. లక్ష లంచం తీసుకుంటుండగా ఏసీబీ అధికారులు రెడ్ హ్యాండెడ్ గా పట్టుకున్నారు. జిల్లా మత్స్యశాఖ కార్యాలయంలో ఈ ఘటన జరిగింది. అధికారుల రాకతో కార్యాలయం మొత్తం ఒక్కసారిగా కలకలం రేగింది. ప్రస్తుతం కార్యాలయంలో ఏసీబీ సోదాలు కొనసాగుతున్నాయి. అవినీతికి పాల్పడిన అధికారిపై చట్టపరంగా కఠిన చర్యలు తీసుకుంటామని అధికారులు తెలిపారు.
0 Comments