గ్లోబల్ మార్కెట్లో నోకియా (హెచ్ఎండీ) నోకియా 235 4జీ (2026), నోకియా 215 4జీ (2026), నోకియా 210 4జీ, నోకియా 200 4జీ ఫీచర్ ఫోన్లను అధికారికంగా విడుదల చేసింది. ఈ కొత్త మోడళ్లు AI అసిస్టెంట్ బటన్, 4G VoLTE కనెక్టివిటీ, USB Type-C ఛార్జింగ్, దీర్ఘకాలిక బ్యాటరీ బ్యాకప్, FM రేడియో వంటి ఫీచర్లతో ఆకట్టుకుంటున్నాయి. ప్రస్తుతం ఈ ఫోన్లు కంపెనీ అధికారిక వెబ్సైట్లో జాబితా అయ్యాయి. ఈసారి నోకియా తన ఫీచర్ ఫోన్లలో తొలిసారిగా ప్రత్యేక AI Assistant Buttonను అందించింది. సాధారణ ఫీచర్ ఫోన్లతో పోలిస్తే ఇది పెద్ద మార్పుగా చెప్పవచ్చు. ఈ బటన్ ద్వారా వినియోగదారులు వాయిస్ కమాండ్లతో అనేక పనులను సులభంగా చేయవచ్చు. స్మార్ట్ఫోన్లా క్లిష్టమైన మెనూల్లోకి వెళ్లాల్సిన అవసరం లేకుండా ఒకే బటన్తో ఈ ఫీచర్లు ఉపయోగించుకోవచ్చు. ఈ నాలుగు మోడళ్లలో కూడా 1,450mAh రిమూవబుల్ బ్యాటరీను అందించారు. అవసరమైతే బ్యాటరీని మార్చుకునే అవకాశం కూడా ఉండటం మరో ప్లస్ పాయింట్. ఒక్కసారి పూర్తి ఛార్జ్ చేస్తే చాలారోజుల పాటు ఉపయోగించుకునేలా ఈ ఫోన్లను రూపొందించారు.
0 Comments