వంట గ్యాస్ లీక్ కావడంతో యువతికి తీవ్ర గాయాలు !

ఆంధ్రప్రదేశ్ లోని డాక్టర్ బీఆర్.అంబేడ్కర్ కోనసీమ జిల్లా, రాజోలు నియోజకవర్గం లోని మామిడికుదురు మండలం ఈదరాడ గ్రామంలో వంట గ్యాస్ లీక్ కావడంతో చుట్టుగుళ్ల చంద్రప్రియ (23) అనే యువతి మంటల్లో చిక్కుకుని తీవ్రంగా గాయపడింది. ఈ ఘటనలో ఆమెకు 99 శాతం కాలిన గాయాలు అయినట్లు సమాచారం. స్థానికులు వెంటనే స్పందించి ఆమెను రాజోలు ఏరియా ఆసుపత్రికి తరలించి ప్రాథమిక చికిత్స అందించారు. అనంతరం పరిస్థితి విషమంగా ఉండటంతో మెరుగైన వైద్యం కోసం అమలాపురంలోని ఓ ప్రైవేట్ ఆసుపత్రికి తరలించారు.