తెలుగు, తమిళ్, కన్నడ, మలయాళ ప్రేక్షకుల కోసం డిష్ టీవీ ప్రత్యేకంగా 'లాంగ్వేజ్ ఫస్ట్ ఫ్యాక్స్' రూపొందించింది. వీటి ధరలు నెలకు రూ.149 నుంచి ప్రారంభమవుతున్నాయి. దక్షిణ భారత్ లో కామెడీ షోలు, ప్రాంతీయ భాషా కంటెంట్, సినిమాలు, డైలీ సీరియల్స్కు మంచి ఆదరణ ఉందని, ఈ నేపథ్యంలో స్థానిక భాషా ప్రేక్షకుల అభిరుచులకు అనుగుణంగా కొత్త ప్యాక్స్ రూపొందించినట్లు డిష్ టీవీ యాజమాన్యం తెలిపింది. కొత్త బేసిక్ ప్యాక్లో 225కి పైగా ఛానెల్స్ అందుబాటులో ఉంటాయి. ఇందులో 36కిపైగా తమిళ్ ఛానెల్స్ ఉండగా, తెలుగు, కన్నడ, మలయాళ ప్యాక్స్లో ప్రతి భాషకు 30కిపైగా ప్రాంతీయ ఛానెల్స్ ఉంటాయని సంస్థ వెల్లడించింది. ఈ ప్యాక్స్లో ప్రాంతీయ ఎంటర్టైన్మెంట్, సినిమాలు, డైలీ సీరియల్స్, స్పోర్ట్స్ ఛానెల్స్ కలిపి అందించనున్నారు. ముఖ్యంగా తెలుగు రాష్ట్రాల్లో సినిమాలు, క్రికెట్, రీజనల్ ఎంటర్టైన్మెంట్కు ఉన్న భారీ డిమాండ్ను దృష్టిలో పెట్టుకుని ప్రత్యేక కస్టమైజేషన్ అందిస్తున్నట్లు కంపెనీ తెలిపింది.
0 Comments