తెలంగాణలో భారీగా తహసీల్దార్ల బదిలీలు

తెలంగాణలో రెవెన్యూ శాఖలో పలువురు అధికారులకు ప్రభుత్వం స్థానచలనం కల్పించింది. పరిపాలనా అవసరాల దృష్ట్యా రాష్ట్రవ్యాప్తంగా 12 మంది తహసీల్దార్లను బదిలీ చేస్తూ ప్రభుత్వం ఉత్తర్వులు జారీ చేసింది. ఈ మేరకు రెవెన్యూ శాఖ కార్యదర్శి లోకేష్ కుమార్ డి.ఎస్. జీఓ విడుదల చేశారు. బదిలీ అయిన అధికారులకు డీఆర్వో, స్పెషల్ కలెక్టర్ పీఏ, ఎస్‌డీసీలుగా కొత్త పోస్టింగులు కేటాయించారు. నిర్మల్‌కు చెందిన మోతీరాం ఏ.కు మంచిర్యాల డీఆర్వోగా పోస్టింగ్ ఇచ్చారు. కరీంనగర్‌కు చెందిన బి. రాజేశ్వరికి పెద్దపల్లి డీఆర్వో బాధ్యతలు అప్పగించారు. పెద్దపల్లి కే.వై. ప్రసాద్‌కు జగిత్యాల డీఆర్వో పోస్టింగ్ కేటాయించారు. వనపర్తి ఆర్. పాండుకు నాగర్‌కర్నూల్ డీఆర్వోగా నియామకం జరిగింది. ఖమ్మం వి. రవి కుమార్‌కు ములుగు డీఆర్వో పోస్టింగ్ ఇచ్చారు. మేడ్చల్-మల్కాజిగిరి జె. స్వామికి కరీంనగర్ డీఆర్వో బాధ్యతలు అప్పగించారు. నాగర్‌కర్నూల్ ఏ. పాండుకు కామారెడ్డి డీఆర్వో పోస్టింగ్ కేటాయించారు. జనగాం సీహెచ్ శ్రీకాంత్‌కు మహబూబ్‌నగర్ స్పెషల్ కలెక్టర్ పీఏగా నియామకం జరిగింది. సూర్యాపేట ఎం. సుదర్శన్ రెడ్డికి సిద్ధిపేట ఎస్‌డీసీ (ఎల్‌ఏ) బాధ్యతలు అప్పగించారు. ఖమ్మం ఎం. రామదేవికి నల్గొండ ఎస్‌డీసీ (ఎల్‌ఏ) పోస్టింగ్ ఇచ్చారు. పెద్దపల్లి జి. కుమారస్వామికి సిరిసిల్ల ఎస్‌డీసీ (ఎల్‌ఏ) బాధ్యతలు కేటాయించారు. కరీంనగర్ ఎన్. వెంకట్ రెడ్డికి కరీంనగర్ ఎస్‌డీసీ (ఎల్‌ఏ)గా నియామకం చేపట్టారు. ప్రభుత్వం ఈ బదిలీలను పూర్తిగా పరిపాలనా సౌలభ్యం మరియు అవసరాల దృష్ట్యా మాత్రమే చేపట్టినట్లు ఉత్తర్వుల్లో పేర్కొంది. బదిలీ అయిన అధికారులు అందరూ వెంటనే తమ కొత్త స్థానాల్లో బాధ్యతలు స్వీకరించాలని ఆదేశాలు జారీ అయ్యాయి.