ఒకేసారి ఏప్రిల్, మే, జూన్ నెలల రేషన్ బియ్యం పంపిణీ : కేంద్రం ప్రభుత్వం నిర్ణయం

ఏప్రిల్, మే, జూన్ నెలలకు సంబంధించిన రేషన్ కోటాను ఒకేసారి పంపిణీ చేయాలని కేంద్ర ప్రభుత్వం నిశ్చయించింది. ఈ పథకం అమలు కోసం అన్ని రాష్ట్రాలు, కేంద్రపాలిత ప్రాంతాలకు కేంద్రం స్పష్టమైన ఆదేశాలు జారీ చేసింది. జాతీయ ఆహార భద్రతా చట్టం కింద కేటాయించిన నిల్వలను తక్షణమే గోదాముల నుండి సేకరించాలని సూచించింది. దీనివల్ల ఏప్రిల్ నెలలోనే లబ్ధిదారులందరికీ మూడు నెలల బియ్యం అందుతాయి. మూడు నెలల బియ్యాన్ని ఒకేసారి ఇవ్వడం వల్ల రేషన్ షాపుల వద్ద రద్దీ తగ్గే అవకాశం ఉందని అధికారులు భావిస్తున్నారు. ఈ ప్రక్రియలో ఎటువంటి ఇబ్బందులు కలగకుండా పారదర్శకంగా పంపిణీ జరగాలని కేంద్రం స్పష్టం చేసింది. అర్హులైన ప్రతి ఒక్కరికీ ఈ ప్రయోజనం చేకూరేలా చూడాలని పౌర సరఫరాల శాఖ అధికారులను ఆదేశించింది.