సోషల్ మీడియాలో సెన్సేషన్ సృష్టిస్తున్న'అప్‌స్క్రోల్డ్'

ఆస్ట్రేలియాకు చెందిన ఒక సోషల్ మీడియా ప్లాట్‌ఫారమ్ 'అప్‌స్క్రోల్డ్'. దీనిని పాలస్తీనా-ఆస్ట్రేలియన్ డెవలపర్ ఇస్సాం హిజాజీ 2025,జూన్‌లో ప్రారంభించారు. ఇటీవల అమెరికాలో టిక్‌టాక్ యాజమాన్య మార్పుల నేపథ్యంలో, చాలామంది యూజర్లు ఈ యాప్‌ వైపు మళ్లుతున్నారు. దీని ''ఎబౌట్" పేజీ ప్రకారం, పక్షపాతం, షాడోబ్యానింగ్ లేదా "అన్యాయమైన" అల్గారిథమ్‌ల ప్రమాదం లేకుండా యూజర్లందరూ తమ అభిప్రాయాలను పంచుకోవడానికి అనుమతించడమే అప్‌స్క్రోల్డ్ లక్ష్యం. కంపెనీ తమ మార్గదర్శకాలనుఉల్లంఘించే కంటెంట్‌ను మాత్రమే పరిమితం చేస్తుందట. అంటే చట్టవిరుద్ధ కార్యకలాపాలు, ద్వేషపూరిత ప్రసంగం, బెదిరింపు, వేధింపులు, అశ్లీలం, లైసెన్స్ లేని కాపీరైట్ కంటెంట్ లేదా "హాని కలిగించడానికి ఉద్దేశించినది". 'అప్‌స్క్రోల్డ్' కూడా మీకు తెలియకుండా మిమ్మల్ని ఎప్పుడూ నిషేధించదని అని కూడా చెపుతోంది. ప్లాట్‌ఫారమ్ ఉంచి వీడియోలను లేదా మీ ఖాతాను తొలగిస్తే, ఎందుకు తొలగించిందో కూడా వివరిస్తుంది. ఇతర సోషల్ మీడియా ప్లాట్‌ఫారమ్‌లతో పోలిస్తే దీని ప్రధానమైన తేడా దాని అల్గోరిథం. Discover Feedని ఉపయోగించవచ్చు డిస్కవర్‌ ఫీడ్‌, ఫాలోయింగ్‌ పీడ్‌ అని రెండు రకాలుగా యాప్ ఫీడ్‌లను విభజిస్తుంది. Following Feed అంటే మనం ఫాలో అయ్యే వ్యక్తుల పోస్ట్‌లు మాత్రమే వరుసగా కనిపిస్తాయి. Discover Feed అంటే ప్రపంచవ్యాప్తంగా ట్రెండింగ్ అవుతున్న కంటెంట్‌ను చూడవచ్చు. డిస్కవర్ ఫీడ్ అనేది వివిధ రకాల కంటెంట్‌ల మిశ్రమం, కానీ ప్రస్తుత ఇజ్రాయెల్-పాలస్తీనా సంఘర్షణకు సంబంధించిన కంటెంట్‌తో నిండిపోతోంది. వాస్తవానికి, ప్రధాన స్రవంతి సోషల్ మీడియా యాప్‌లు ఈ రకమైన పోస్ట్‌లను సెన్సార్ చేస్తున్నాయనే ఆరోపణలకు ప్రతిస్పందనగా, చాలా మంది వినియోగదారులు ఈ ప్లాట్‌ఫామ్‌ను పాలస్తీనాకు మద్దతు ఇచ్చే కంటెంట్ కోసం దీన్ని ఒక వేదికగా ఎంచుకుంటున్నారు. దీంతోపాటు క్రీడలు, వార్తలు, గేమ్‌లు, సినిమాలు, సంగీతం, టెక్నాలజీ , ట్రావెల్‌ వంటి అనేక విభిన్న రకాల కంటెంట్‌లను అందిస్తామని వెల్లడించింది. టిక్‌టాక్‌, ఇన్‌స్టాలా కాకుండా, Discover Feed కొన్ని దూకుడు, వ్యక్తిగతీకరించిన అల్గారిథమ్‌ను ఉపయోగించదు. దీనికి బదులుగా, ఇది లైక్‌లు, కామెంట్స్‌, షేర్స్‌ మీదధారపడి ఉంటుంది. ప్రస్తుతం సోషల్ మీడియాలో సెన్సేషన్ సృష్టిస్తున్న ఈ యాప్‌ ముఖ్యంగా ఇన్‌స్టాగ్రామ్, టిక్‌టాక్‌లాంటి యాప్‌లకు ప్రత్యామ్నాయంగా దూసుకుపోతోంది. ఎటాంటి సెన్సార్‌షిప్ లేదా దూకుడు అల్గారిథమ్‌లు లేని సురక్షితమైన సోషల్ మీడియా ప్లాట్‌ఫామ్‌గా యాజమాన్యం ప్రకటించుకుంటోంది. యూజర్ డేటాను థర్డ్ పార్టీలకు అమ్మబోమని హామీ ఇస్తోంది. దీంతో యాక్టివిస్టులు, రాజకీయవేత్తలు సహా పలువురు దీనివైపు మొగ్గు చూపుతున్నారు. ఆపిల్‌, యాండ్రాయిడ్‌ యాప్ స్టోర్‌లో రెండవ అత్యంత ప్రజాదరణ పొందిన యాప్‌గా ఇది నిలిచింది. జనవరి 2026 నాటికి, అమెరికాలో ఈ యాప్ ఆపిల్ యాప్ స్టోర్‌లో టాప్-10 లోకి చేరింది. టిక్‌టాక్ , మెటా (ఫేస్‌బుక్/ఇన్‌స్టాగ్రామ్) లపై అసంతృప్తిగా ఉన్న యాక్టివిస్టులు, క్రియేటర్లు ఈ ప్లాట్‌ఫారమ్‌ను ఎక్కువగా ఉపయోగిస్తున్నారు. ముఖ్యంగా బౌగోళిక రాజకీయ ఉద్రిక్తతల నేపథ్యంలో సెన్సార్‌షిప్‌లేని కంటెంట్ కోసం ప్రజలు వేచి చూస్తున్నారు. పారదర్శకత ,న్యాయమైన కంటెంట్‌ను అందించే ప్లాట్‌పాం ప్రత్యామ్నాయాలన కోసం చూస్తున్నారు. ఆపిల్ యాప్ స్టోర్ ర్యాంకింగ్స్‌లో టిక్‌టాక్‌ను దాటేసింది. అంతేకాదు డౌన్‌లోడ్ల తాకిడికి జనవరి 26 న ప్లాట్‌ఫామ్ సర్వర్లు క్రాష్ అయ్యాయి. టిక్‌టాక్‌ ప్లాట్‌ఫామ్ యాజమాన్య మార్పు తర్వాత సెన్సార్‌షిప్ ఆరోపణల మధ్య టిక్‌టాక్‌ను వదిలివేసి అప్‌స్క్రోల్డ్‌కు మారిపోతున్నారు.