ఇజ్రాయిల్‌ బాంబు దాడిలో పది మంది మృతి!

                                                 

ఇజ్రాయిల్‌ సైన్యం గాజా సిటీలో బాంబు దాడులకు ప్పాలడింది. ఈ దాడిలో మహిళలు, చిన్నారులు సహా కనీసం పది మంది మృతి చెందారని పాలస్తీనా న్యూస్‌ ఏజెన్సీ వఫా తెలిపింది. ఇజ్రాయిల్‌ సైన్యం గాజా నగరానికి తూర్పున ఉన్న షుజాయా పరిసరాల్లోని ఇబ్న్‌ అల్‌ - హైథమ్‌ పాఠశాలను లక్ష్యంగా చేసుకుని క్షిపణితో పేల్చింది. ఈ ప్రమాదంలో అక్కడిక్కడే ఎనిమిది మంది మృతి చెందారు. అనేకమంది గాయాలపాలయ్యారు. గాయపడిన వారిని సమీపంలోని అల్‌ అహ్లీ అరబ్‌ (బాప్టిస్ట్‌) ఆసుపత్రికి తరలించారు. రఫాలోని రెడ్‌క్రాస్‌ ఫీల్డ్‌ ఆసుపత్రికి ఎదురుగా ఉన్న అల్‌ - మవాసి ప్రాంతంలోని రహదారిపై ఇజ్రాయిల్‌ డ్రోన్‌ ఒక వాహనాన్ని లక్ష్యంగా చేసుకుని దాడి చేసింది. ఈ ఘటనలో ఇద్దరు వ్యక్తులు మృతి చెందారు. కనీసం పది మంది గాయపడ్డారని వఫా నివేదించింది.