బీఎస్ఎన్ఎల్ త్వరలో వినియోగదారులకు తక్కువ ధరలోనే 5జీ సేవలను అందించేందుకు సిద్ధమవుతోంది. ఇందుకు సంబంధించి దేశీయ టెలికాం స్టార్టప్ కంపెనీ చర్చలు జరుపుతోంది. త్వరలో 5జీ సర్వీసులకు సంబంధించి ట్రయల్ సర్వీస్‌ను ప్రారంభించనున్నారు. ఈ ప్రాజెక్ట్ కింద బీఎస్ఎన్ఎల్ హోల్డింగ్ 700MHz బ్యాండ్‌ను మొదట ఉపయోగించబడుతుంది. ఈ ట్రయల్ రన్ తొలుత ఢిల్లీ, బెంగళూరు, చెన్నై వంటి నగరాల్లో నిర్వహించనున్నారు. అనంతరం క్రమక్రమంగా దేశవ్యాప్తంగా విస్తరించనున్నారు. ప్రస్తుతం దేశంలో జియో, ఎయిర్‌టెల్‌ 5జీ నెట్‌వర్క్‌ను అందిస్తున్నాయి. అయితే వీటి రీఛార్జ్‌లు చాలా ఎక్కువగా ఉండటంతో వినియోగదారులు తీవ్రంగా ఇబ్బందులు పడుతున్నారు. ఈ నేపథ్యంలోనే ప్రజలకు తక్కువ ధరలో 5జీ సర్వీసులను అందించేందుకు బీఎస్ఎన్ఎల్ ముందుకు వచ్చింది. బీఎస్ఎన్ఎల్ సర్వీసులు అందుబాటులోకి వస్తే హై స్పీడ్ డేటా, కాలింగ్ సౌకర్యాన్ని పొందవచ్చని భావించవచ్చు.
0 Comments