ఏప్రిల్ 15 నుంచి USSD ఆధారిత కాల్ ఫార్వార్డింగ్‌ను నిలిపివేయాలని టెలికాం కంపెనీలను డిపార్ట్‌మెంట్ ఆఫ్ టెలికమ్యూనికేషన్స్ (DoT) ఆదేశించింది. తదుపరి ఉత్తర్వులు వచ్చే వరకు మూసివేయాల్సి ఉంటుంది. అయితే, కాల్ ఫార్వార్డింగ్ కోసం కస్టమర్‌లకు ప్రత్యామ్నాయ ఎంపికలను అందించవచ్చు. మొబైల్ కస్టమర్‌లు తమ ఫోన్ స్క్రీన్‌పై ఏదైనా యాక్టివేషన్ కోడ్‌ని డయల్ చేయడం ద్వారా యూఎస్‌ఎస్‌డీ సర్వీసును ఉపయోగిస్తారు. మొబైల్ ఫోన్‌లో IMEI నంబర్, మిగిలిన బ్యాలెన్స్ మొదలైన సమాచారాన్ని కనుగొనడానికి ఈ సేవ తరచుగా ఉపయోగించబడుతుంది. మొబైల్ ఫోన్ల ద్వారా జరిగే మోసాలు, ఆన్‌లైన్ నేరాలను నిరోధించేందుకు డీఓటీ ఈ ఉత్తర్వులు జారీ చేసింది. టెలికమ్యూనికేషన్ల శాఖ, మార్చి 28 నాటి ఉత్తర్వులో అన్‌స్ట్రక్చర్డ్ సప్లిమెంటరీ సర్వీస్ డేటా ఆధారిత కాల్ ఫార్వార్డింగ్ సౌకర్యాన్ని కొన్ని సరికాని ప్రయోజనాల కోసం దుర్వినియోగం చేస్తున్నట్లు తమ దృష్టికి వచ్చిందని తెలిపింది. అందువల్ల, 15 ఏప్రిల్ 2024 నుండి తదుపరి నోటీసు వచ్చే వరకు ప్రస్తుతం ఉన్న అన్ని USSD ఆధారిత కాల్ ఫార్వార్డింగ్ సేవలను నిలిపివేయాలని నిర్ణయించింది. యుఎస్‌ఎస్‌డి ఆధారిత కాల్ ఫార్వార్డింగ్‌ను యాక్టివేట్ చేసిన ప్రస్తుత కస్టమర్లందరినీ ప్రత్యామ్నాయ పద్ధతుల ద్వారా కాల్ ఫార్వార్డింగ్ సేవను మళ్లీ యాక్టివేట్ చేయమని కోరాలని ఆర్డర్ పేర్కొంది.
0 Comments