80వ స్వాతంత్ర్య దినోత్సవాన్ని పురస్కరించుకుని దేశవ్యాప్తంగా 'నోమాడ్స్' బ్యానర్ కింద భారీ బైక్ ర్యాలీలు అత్యంత వైభవంగా జరిగాయి. క్లాసిక్ లెజెండ్స్ సంస్థకు చెందిన దాదాపు 150 డీలర్షిప్ల ద్వారా వివిధ ప్రాంతాలు, వయస్సులు మరియు విభిన్న నేపథ్యాలకు చెందిన 2,000 మందికి పైగా జావా, యెజ్డీ, మరియు బీఎస్ఏ మోటార్ సైకిల్ రైడర్లు ఈ స్వాతంత్ర్య దినోత్సవ రైడ్లో భాగస్వాములయ్యారు. మోటార్ సైక్లింగ్లో దాగి ఉన్న స్వేచ్ఛా స్ఫూర్తిని, ఉమ్మడి అభిరుచిని మరియు రైడర్ల మధ్య ఉన్న సహోదరభావాన్ని చాటిచెప్పడానికి ఈ కార్యక్రమం ఒక గొప్ప వేదికగా నిలిచింది. నోమాడ్స్ కమ్యూనిటీ బ్రాండ్లు, ప్రాంతాలు మరియు తరాల హద్దులను చెరిపేస్తూ, రైడర్లందరినీ ఒకే వేదికపైకి తెచ్చి ప్రయాణంలో ఉన్న ఆనందాన్ని మరియు ఐక్యతను చాటిచెప్పే ఉమ్మడి గుర్తింపుగా మారింది. ఈ సందర్భంగా క్లాసిక్ లెజెండ్స్ సహ-స్థాపకులు అనుపమ్ థరేజా మాట్లాడుతూ, స్వేచ్ఛను సాధించిన మహనీయుల విలువలను, దేశాన్ని కాపాడుతున్న సాయుధ బలగాల త్యాగాలను స్వాతంత్ర్య దినోత్సవం గుర్తుచేస్తుందని పేర్కొన్నారు. ఇటీవల కార్గిల్ విజయ్ దివస్ సందర్భంగా భారత సాయుధ దళాల సాహసానికి నివాళులర్పిస్తూ నిర్వహించిన ‘శౌర్య విజయ యాత్ర’ స్ఫూర్తినే ఈ రైడ్ కూడా ముందుకు తీసుకెళ్లిందని తెలిపారు. వివిధ ప్రాంతాలకు చెందిన రైడర్లు తమ సైనికుల త్యాగాలకు గౌరవ సూచకంగా ఒకటై, దేశం మరియు మోటార్ సైక్లింగ్ అందించే స్వేచ్ఛను వేడుక చేసుకున్నారు. రోజురోజుకూ విస్తరిస్తున్న నోమాడ్స్ కమ్యూనిటీ, ఇలాంటి ర్యాలీల ద్వారా దేశవ్యాప్తంగా ఉన్న రైడర్ల మధ్య అనుబంధాలను మరింత పటిష్టం చేస్తోందని స్పష్టం చేశారు.
0 Comments