జూలై 22న వన్ యూఐ 9 అప్‌డేట్ ?

గూగుల్ సరికొత్త ఆండ్రాయిడ్ 17 ఆపరేటింగ్ సిస్టమ్ ఆధారంగా పనిచేసే మోస్ట్ అవేటెడ్ "వన్ యూఐ 9" సాఫ్ట్‌వేర్ అప్‌డేట్‌ను అధికారికంగా విడుదల చేయడానికి ముమ్మరంగా ఏర్పాట్లు చేస్తోంది. శాంసంగ్ స్మార్ట్‌ఫోన్ వాడుతున్నారా? అయితే మీ మొబైల్ సరికొత్త రూపంలోకి మారిపోయే రోజులు దగ్గరపడ్డాయి. మార్కెట్లో తనకంటూ ఒక ప్రత్యేక స్థానాన్ని నిలబెట్టుకున్న శాంసంగ్, సాంకేతిక రంగంలో వస్తున్న మార్పులకు అనుగుణంగా యూజర్ ఎక్స్‌పీరియన్స్‌ను మరింత మెరుగుపరచడానికి "వన్ యూఐ 9" సాఫ్ట్‌వేర్‌ను రూపొందించింది. విశ్వసనీయ వర్గాల సమాచారం ప్రకారం.. రాబోయే జూలై 22న నిర్వహించనున్న గ్రాండ్ "గెలాక్సీ అన్‌ప్యాక్డ్" ఈవెంట్‌లో ఈ సరికొత్త సాఫ్ట్‌వేర్‌ను ప్రపంచానికి పరిచయం చేయనున్నారు. ఇదే వేదికపై లాంచ్ కానున్న సరికొత్త ఫోల్డబుల్ ఫోన్లు గెలాక్సీ జెడ్ ఫోల్డ్ 8, గెలాక్సీ జెడ్ ఫ్లిప్ 8 మోడళ్లతో ఈ వన్ యూఐ 9 సాఫ్ట్‌వేర్ మొదటిసారిగా మార్కెట్లోకి అడుగుపెట్టనుంది. ఈ సరికొత్త ఆపరేటింగ్ సిస్టమ్ బీటా వెర్షన్ ప్రస్తుతం గెలాక్సీ ఎస్26 సిరీస్ వినియోగదారులకు మాత్రమే అందుబాటులో ఉంది. అయితే పండుగ సీజన్ అయిన సెప్టెంబర్ 2026 నుంచి పాత గెలాక్సీ స్మార్ట్‌ఫోన్లు, టాబ్లెట్‌లకు స్టేబుల్ అప్‌డేట్ లభించే అవకాశం ఉంది. శాంసంగ్ తన తాజా అప్‌డేట్ పాలసీ ప్రకారం ఫ్లాగ్‌షిప్ మోడళ్లకు ఏడేళ్ల పాటు, మిడ్-రేంజ్ ఫోన్లకు ఆరేళ్ల పాటు సాఫ్ట్‌వేర్ సపోర్ట్ అందిస్తామని ప్రకటించిన సంగతి తెలిసిందే. ఈ నేపథ్యంలో వన్ యూఐ 9 పొందే అర్హత కలిగిన డివైజ్‌ల జాబితా చాలా పెద్దగానే ఉంది. ఈ సరికొత్త అప్‌డేట్‌లో ఆర్టిఫిషియల్ ఇంటెలిజెన్స్ ఫీచర్లను మరింత శక్తివంతంగా మార్చబోతున్నారు. ఫోన్ ఇంటర్‌ఫేస్, ఐకాన్స్ డిజైన్‌లో విప్లవాత్మకమైన "గ్లాసీ ఫినిష్" మార్పులు రానున్నాయి. దీనివల్ల ఫోన్ వాడుతున్నప్పుడు స్క్రీన్ ఎంతో ఆకర్షణీయంగా, వేగంగా స్పందిస్తుంది. అంతేకాకుండా, బ్యాటరీ లైఫ్ పెరిగేలా, ప్రైవసీ సెట్టింగ్స్ మరింత పటిష్టంగా ఉండేలా ఇందులో ప్రత్యేక కోడింగ్‌ను ఉపయోగించారు.