భారతీయ జీవిత బీమా సంస్థ వినియోగదారులకు, ఏజెంట్లకు అత్యాధునిక డిజిటల్ అనుభవాన్ని అందించడానికి మై ఎల్ఐసీ, సూపర్ సేల్స్ సాథీ అనే రెండు కొత్త మొబైల్ అప్లికేషన్లను ప్రారంభించింది. ఈ అప్డేట్ ద్వారా ఎల్ఐసీ తన సేవలను మరింత వేగంగా, పారదర్శకంగా చేయాలని లక్ష్యంగా పెట్టుకుంది. పాలసీదారుల అవసరాలను దృష్టిలో ఉంచుకుని మైఎల్ఐసీ యాప్ను రూపొందించారు. దీని ద్వారా కస్టమర్లు కార్యాలయాలకు వెళ్లే పని లేకుండా ఇంట్లోనే కూర్చుని సేవలు పొందవచ్చు. మీ పేరు మీద ఉన్న అన్ని పాలసీలను ఒకే చోట చూసుకోవచ్చు. వెంటనే ఆన్లైన్ ద్వారా ప్రీమియంలు చెల్లించే సదుపాయం ఉంది. పాలసీపై రుణం కావాలంటే ఎటువంటి కాగితపు పని లేకుండా ఆన్లైన్లో దరఖాస్తు చేసుకోవచ్చు. ఆగిపోయిన పాలసీలను మళ్లీ యాక్టివేట్ చేసుకోవడం ఇప్పుడు మరింత సులభం అవుతుంది. కేవైసీ ప్రక్రియను కూడా దీనిలో సులువుగా చేసుకోవచ్చు. నేరుగా యాప్ నుంచే కొత్త ఇన్సూరెన్స్ ప్లాన్లను పరిశీలించి కొనుగోలు చేయవచ్చు. ఎల్ఐసీ ఏజెంట్లు , సేల్స్ టీమ్ కోసం ప్రత్యేకంగా రూపొందించిన ప్లాట్ఫారమ్ సూపర్ సేల్స్ సాథీ. ఇది వారి పనితీరును మెరుగుపరచడానికి తోడ్పడుతుంది. కస్టమర్లకు పాలసీ వివరాలను వివరించడానికి డిజిటల్ కిట్స్ , ప్రెజెంటేషన్లు అందుబాటులో ఉంటాయి. పాలసీల స్టేటస్ , క్లెయిమ్ వివరాలను ఎప్పటికప్పుడు పర్యవేక్షించవచ్చు. కస్టమర్లకు అవసరమైన సలహాలు ఇవ్వడానికి , తదుపరి ఫాలో-అప్ల కోసం కృత్రిమ మేధస్సు ఆధారిత నోటిఫికేషన్లు అందుతాయి. ఏజెంట్లు తమ లక్ష్యాలను, సాధించిన పురోగతిని సులభంగా చూసుకోవచ్చు.
0 Comments