మహారాష్ట్రలోని జలగావ్ జిల్లాలో 'జలగావ్ రూరల్ ఎమ్మెల్యే కప్' ఫైనల్ మ్యాచ్ జరుగుతుండగా ఒక యువకుడు అకస్మాత్తుగా ట్రాక్టర్తో మైదానంలోకి ప్రవేశించాడు. ఆటగాళ్లు, ప్రేక్షకులు చూస్తుండగానే నేరుగా పిచ్పైకి వెళ్లి, దానిని ట్రాక్టర్తో దున్నేశాడు. ఈ ఘటనతో మైదానంలో గందరగోళం నెలకొంది. అందరూ ఒక్కసారిగా భయాందోళనకు గురయ్యారు. ఈ విధ్వంసానికి ప్రధాన కారణం స్థానిక రాజకీయ విభేదాలని తెలుస్తోంది. ఒక ప్రముఖ స్థానిక వ్యక్తిని ఈ టోర్నమెంట్కు ఆహ్వానించకపోవడంతో ఆగ్రహం చెందిన ఆయన అనుచరుడు ఒకరు ఈ ఘాతుకానికి ఒడిగట్టినట్లు సమాచారం. పిచ్ను పూర్తిగా తవ్వివేయడంతో పాటు, స్టంప్స్ను కూడా విరగ్గొట్టి, ఎటువంటి భయం లేకుండా ఆ యువకుడు ట్రాక్టర్తో అక్కడి నుంచి వెళ్లిపోయాడు. ఈ ఘటనకు సంబంధించిన వీడియో సోషల్ మీడియాలో విపరీతంగా వైరల్ అయ్యింది. ఈ విధ్వంసం కారణంగా పిచ్ పూర్తిగా దెబ్బతినడంతో మ్యాచ్ను కొనసాగించడం అసాధ్యమైంది. ఆటకు ఆటంకం ఏర్పడటమే కాకుండా మైదానం పరిస్థితి దారుణంగా మారడంతో, అధికారులు ఆ మ్యాచ్ను వెంటనే రద్దు చేయాలని నిర్ణయించారు. దీనివల్ల ఫైనల్ మ్యాచ్ ఫలితం తేలకుండానే ముగిసింది. క్రీడా స్ఫూర్తితో సాగాల్సిన టోర్నమెంట్ కాస్తా రాజకీయ కక్షల వల్ల అర్థాంతరంగా నిలిచిపోయింది. స్థానిక ప్రజలు, క్రీడాకారులు ఈ ఘటనపై తీవ్ర ఆగ్రహం వ్యక్తం చేసినప్పటికీ, ఆ సమయానికి ఎటువంటి పోలీసు ఫిర్యాదు నమోదు కాలేదని నివేదికలు పేర్కొన్నాయి.
0 Comments