ఉద్యోగులందరికీ బోనస్ ప్రకటించిన కాగ్నిజెంట్

కాగ్నిజెంట్ అర్హులైన ఉద్యోగులందరికీ 100 శాతం బోనస్ అందజేయనున్నట్లు కంపెనీ అధికారికంగా ప్రకటించింది. వాస్తవానికి కంపెనీ నిర్దేశించుకున్న ఆర్థిక లక్ష్యాలను 2027 నాటికి చేరుకోవాలని భావించగా.. ఉద్యోగుల కృషి ఫలితంగా రెండేళ్ల ముందే అంటే 2025లోనే ఆ ఘనతను సాధించింది. ఈ అద్భుత విజయానికి గుర్తుగా ఉద్యోగులకు ఈ రివార్డును ప్రకటించినట్లు సీఈఓ ఎస్. రవికుమార్ వెల్లడించారు. 2025లో కంపెనీ ఆదాయం 7% పెరిగి 21.10 బిలియన్ డాలర్లకు (సుమారు రూ.1.90 లక్షల కోట్లు) చేరింది. కాగ్నిజెంట్‌కు ప్రపంచవ్యాప్తంగా 3.50 లక్షల మంది ఉద్యోగులు ఉండగా, అందులో అత్యధికులు భారత్‌లోనే పనిచేస్తున్నారు. వారందరికీ ఈ నిర్ణయం పెద్ద ఊరటనివ్వనుంది. ప్రపంచవ్యాప్తంగా అత్యుత్తమ లాభాలు ఆర్జించే అగ్రశ్రేణి ఐటీ సంస్థల జాబితాలో కాగ్నిజెంట్ స్థానం సంపాదించుకుంది.