త్వరలో రెడ్‌మి కే90 అల్ట్రా ఫోన్‌ విడుదల

రెడ్‌మి కే90 అల్ట్రా ఫోన్‌ను రెడ్‌మి కంపెనీ త్వరలోనే తీసుకు రాబోతోంది. ఈ నెక్ట్జ్ జనరేషన్ అల్ట్రా మోడల్ విడుదల గురించి కంపెనీ అధికారికంగా ఎలాంటి ప్రకటన చేయలేదు. అయినప్పటికీ, లీక్‌ల ప్రకారం చూస్తే పాత మోడల్ రెడ్‌మి కే80 అల్ట్రాకన్నా ఈ కొత్త ఫోన్‌లో భారీ మెరుగుదలలు ఉంటాయని తెలుస్తోంది. సరికొత్త ఫీచర్లు శక్తివంతమైన స్పెసిఫికేషన్స్‌తో ఈ ఫోన్ వినియోగదారులను ఆకట్టుకునే అవకాశం ఉంది. ప్రముఖ టిప్‌స్టర్ డిజిటల్ చాట్ స్టేషన్ వీబో వేదికగా పేరు చెప్పని ఒక స్మార్ట్‌ఫోన్ ముఖ్యమైన స్పెసిఫికేషన్‌లు పంచుకున్నారు. ఆ టిప్‌స్టర్ ఆ పరికరం పేరు వెల్లడించనప్పటికీ, పలు ఆధారాలు రాబోయే రెడ్‌మి కే90 అల్ట్రానే ఈ లీక్‌గా పబ్లికేషన్స్ భావిస్తున్నాయి. ఈ కొత్త ఫోన్ పనితీరుపై దృష్టి సారించే ఉప-శ్రేణిలో భాగమని టిప్‌స్టర్ గతంలో సూచించారు. శక్తివంతమైన ఫ్లాగ్‌షిప్ మీడియా టెక్ డిమెన్షిటీ 9-సిరీస్ చిప్‌సెట్‌తో ఈ ఫోన్ పనిచేస్తుందని సమాచారం. తాజా లీక్ ద్వారా ఈ స్మార్ట్‌ఫోన్ అత్యంత శక్తివంతమైన బ్యాటరీ కలిగి ఉంటుందని తెలిసింది. ఈ ఫోన్‌లో భారీగా 10,000mAh బ్యాటరీ ఉండే అవకాశం ఉంది. ఇది రెడ్‌మి కే80 అల్ట్రాలో ఉన్న 7,410mAh బ్యాటరీ కన్నా చాలా పెద్ద అప్‌గ్రేడ్ అవుతుంది. ఈ K90 Ultra 100W వైర్డ్ వైర్‌లెస్ ఛార్జింగ్ సపోర్ట్‌ను కూడా అందిస్తుందని అంచనా. ఈ భారీ బ్యాటరీ ఉన్నప్పటికీ, ఈ ఫోన్ 8.5mm కన్నా తక్కువ మందంతో, సన్నగా సొగసైన శరీర నిర్మాణాన్ని కలిగి ఉంటుందని తెలుస్తోంది. 6.8 అంగుళాల పరిమాణంలో ఉండే LTPS ఫ్లాట్ ప్యానెల్‌తో వస్తుంది. ఈ డిస్‌ప్లే 1.5K రిజల్యూషన్ 165Hz రిఫ్రెష్ రేట్‌ను అందించే అవకాశం ఉంది. మెటల్ ఫ్రేమ్, అల్ట్రాసోనిక్ ఇన్-డిస్‌ప్లే ఫింగర్‌ప్రింట్ సెన్సార్ ఇందులో ఉంటాయి. అదనంగా, ఇది ఆధునిక నీరు ధూళి నిరోధకత (వాటర్ డస్ట్ రెసిస్టెన్స్) సామర్థ్యంతో వస్తుందని సమాచారం.