షేర్డ్ ఇమేజ్ లను వెబ్ పై నేరుగా సెర్చ్ చేసే అవకాశం !

వాట్సాప్ కొత్తగా షేర్డ్ ఇమేజ్ లను వెబ్ పై నేరుగా సెర్చ్ చేయడానికి వీలు కల్పించే ఫీచర్ ను జత చేస్తుందని వాబీటాఇన్ఫో వెల్లడించింది. ఈ ఫీచర్ ను వివరించే స్క్రీన్ షాట్ లను కూడా వాబీటాఇన్ఫో అధికారిక X అకౌంట్ నుంచి షేర్ కూడా చేసింది.  ఈ వాట్సాప్ కొత్త ఫీచర్ ఇప్పటికే కొంత మంది బీటా టెస్టర్ లకు అందుబాటులో ఉంచినట్లు కూడా వెల్లడించింది. ఈ ఫీచర్ ను అందుకున్న బీటా టెస్టర్స్ ఈ ఫీచర్ ను పరీక్షించడానికి అవకాశం ఉంటుంది.  ఈ కొత్త ఫీచర్ ద్వారా వచ్చిన ఇమేజ్ సోర్స్ మరియు ఇమేజ్ వాలిడేషన్ ను కూడా జస్ట్ సింగిల్ క్లిక్ తో చేసుకోవచ్చు. ఈ ఫీచర్ ను ఉపయోగించడానికి వెరిఫై చేయాలనుకునే ఇమేజ్ పై ట్యాప్ చేసి సేవ్, ఫార్వర్డ్ మరియు షేర్ బటన్ లకు క్రింద కనిపించే కొత్త ఆప్షన్ ల్లో కనిపించే 'Search On Web' పైన క్లిక్ చేయాలి. వెంటనే యూజర్ కోరుకున్న ఇమేజ్ ను వెబ్ ద్వారా సెర్చ్ చేసి సోర్స్ మరియు ఆల్టర్నేటివ్ ఇమేజ్ లను అందిస్తుంది. వాట్సాప్ అందిస్తున్న ఈ కొత్త ఫీచర్ ద్వారా యూజర్ ప్రైవసీ మరియు సెక్యూరిటీకి మరింత బలం చేకూరుతుంది.