1.77 కోట్ల మొబైల్ నంబర్లను క్యాన్సిల్ చేసిన ట్రాయ్‌ !

దేశంలోని 122 కోట్ల మంది టెలికాం వినియోగదారులను రక్షించేందుకు ట్రాయ్‌ సహకారంతో టెలికాం విభాగం  1.77 కోట్ల మొబైల్ నంబర్లను క్యాన్సిల్ చేసింది. ట్రాయ్‌, టెలికాం కలిసి ఫేక్ కాల్స్‌పై చర్యలను ముమ్మరం చేశాయి. ట్రాయ్‌ గత నెలలో ఒక కొత్త విధానాన్ని రూపొందించింది. తద్వారా ఇప్పుడు ఆపరేటర్లు తమ స్వంతంగా మార్కెటింగ్, నకిలీ కాల్‌లను ఆపవచ్చు. టెలికాం డిపార్ట్‌మెంట్ ప్రకారం, ప్రతిరోజూ దాదాపు 1.35 కోట్ల ఫేక్ కాల్స్ అరికడుతున్నాయి. ఇది కాకుండా, ఫేక్ కాల్స్ చేస్తున్న 1.77 కోట్ల మొబైల్ నంబర్లను డిపార్ట్‌మెంట్ బ్లాక్‌ చేసింది. ప్రజల ఫిర్యాదులపై శాఖ చర్యలు చేపట్టి ఐదు రోజుల్లో దాదాపు 7 కోట్ల కాల్స్‌ను ట్రాయ్‌ నిలిపివేసింది. ఫేక్ కాల్స్‌ను అరికట్టేందుకు కట్టుదిట్టమైన చర్యలు తీసుకుంటోంది. ఇక నుండి కాలర్‌లు వైట్‌లిస్ట్ చేయబడిన టెలిమార్కెటింగ్ కాల్‌లను మాత్రమే స్వీకరిస్తారు. తాజాగా దాదాపు 11 లక్షల ఖాతాలను బ్యాంకులు, పేమెంట్ వాలెట్లు స్తంభింపజేశాయని కమ్యూనికేషన్ల మంత్రిత్వ శాఖ ఒక ప్రకటనలో తెలిపింది. రానున్న రోజుల్లో సిమ్ కార్డులు బ్లాక్ అవుతాయని ప్రభుత్వం చెబుతోంది. డిపార్ట్‌మెంట్ ఆఫ్ టెలికమ్యూనికేషన్స్ తో కలిసి పనిచేస్తున్న టెలికాం సర్వీస్ ఆపరేటర్లు 45 లక్షల నకిలీ అంతర్జాతీయ కాల్‌లను టెలికాం నెట్‌వర్క్‌కు చేరకుండా నిరోధించారు.