బావిలో నుంచి భారీ కొండచిలువలను బయటకు తీసిన సాహసి !

సోషల్ మీడియాలో ఓ వీడియో తెగ వైరల్ అవుతోంది. రెండు భారీ కొండచిలువలు ప్రమాదవశాత్తు ఓ బావిలో నుంచి బయటికి రాలేక కొట్టుమిట్టాడుతున్నాయి. బావిలో వింత శబ్ధాలను గమనించిన స్థానికులు అక్కడ గుమికూడారు. చివరకు అంతా కలిసి వాటిని రక్షించేందుకు సిద్ధమయ్యారు. ఇంతలో వారిలో ఓ వ్యక్తి బావిలోకి దిగి, నీటిలో మునిగిపోయిన కొండచిలువను  ఎలాగోలా ఓ కొండచిలువను వెతికి చేతిలోకి తీసుకున్నాడు. చివరకు దాన్ని అతి కష్టం మీద నీటి పైకి తెచ్చి, బావి పైన ఉన్న వారికి అందించాడు. అయితే కొండచిలువ భారీగా ఉండడంతో బయటికి తీయడం కష్టతరమైంది. ఎలాగోలా బయటికి లాగే ప్రయత్నం చేస్తుండగా మధ్యలో మళ్లీ నీటిలో పడిపోయింది. దీంతో నీటిలో ఉన్న వ్యక్తి మళ్లీ ఎలాగోలా కొండచిలువను వారికి అందించాడు. ఇలా దాన్ని బయటికి తీసి ఒడ్డున పడేశారు. ఆ తర్వాత నీటిలో ఉన్న మరో కొండచిలువను కూడా ఇలాగే బయటికి తీసేందుకు ప్రయత్నించాడు. కాగా, ఈ వీడియో ప్రస్తుతం నెట్టింట తెగ చక్కర్లు కొడుతోంది. దీనిపై నెటిజన్లు వివిధ రకాలుగా స్పందిస్తున్నారు. ''వామ్మో.. ఈ సీన్ చూస్తుంటేనే భయమేస్తోంది''.. అంటూ కొందరు, ''వీళ్లు చాలా గొప్ప పని చేశారు. నిజంగా గ్రేట్''.. అంటూ మరికొందరు, వివిధ రకాల ఎమోజీలతో ఇంకొందరు కామెంట్లు చేస్తున్నారు. ఈ వీడియో ప్రస్తుతం 8 వేలకు పైగా లైక్‌లు, 2.2 మిలియన్‌కు పైగా వ్యూస్‌ను సొంతం చేసుకుంది.