బాలుడి ఊపిరితిత్తుల్లో చిక్కుకున్న వేరుశెనగ గింజను తొలగించిన ఎంజీఎం ఆసుపత్రి వైద్యులు !

హైదరాబాద్ ఎంజీఎం ఆస్పత్రిలో వైద్యుల బృందం రెండేళ్ల బాలుడి ఊపిరితిత్తుల్లో ఇరుక్కుపోయిన వేరుశెనగ గింజను విజయవంతంగా తొలగించి అతడి ప్రాణాలను కాపాడింది. బ్రోంకోస్కోపీతో కూడిన సంక్లిష్ట ప్రక్రియను ఏఎన్టీ  నిపుణులు మరియు మత్తుమందుల బృందం నిర్వహించింది. ఎంజీఎం ఆస్పత్రి సూపరింటెండెంట్ డాక్టర్ చిలుక మురళి తెలిపిన వివరాల ప్రకారం మల్లంపల్లి గ్రామానికి చెందిన మహ్మద్ హుస్సేన్ కుమారుడు అబ్దుల్ సమద్ వారం రోజులుగా దగ్గు, ఆయాసంతో బాధపడుతున్నాడు. దీంతో కుటుంబ సభ్యులు అబ్దుల్‌ను చికిత్స కోసం అక్టోబర్ 9న ఎంజీఎం ఆసుపత్రిలో చేర్చారు. సీటీ స్కాన్ బాలుడి కుడి ఊపిరితిత్తులో వేరుశెనగ గింజ ఉన్నట్లు తేలింది, దీనివల్లే అతడికి అస్వస్థత లక్షణాలు కనిపించినట్లు వైద్యులు గుర్తించారు. డాక్టర్ వెంకటరత్నం నేతృత్వంలోని వైద్య బృందం డాక్టర్ జాషువా, డాక్టర్ రాంలాల్, అనస్థీషియా బృందంతో కలిసి బ్రాంకోస్కోపీ ద్వారా వేరుశెనగ గింజను విజయవంతంగా తొలగించారు. వైద్య బృందానికి చిన్నారి కుటుంబ సభ్యులు కృతజ్ఞతలు తెలిపారు.