వాట్సాప్ మరో సరికొత్త ప్రైవసీ ఫీచర్ తీసుకొస్తోంది. స్టేటస్ అప్‌డేట్స్ కోసం రెండు ప్రధాన ఇన్‌స్టాగ్రామ్ లాంటి ఫీచర్‌లను రిలీజ్ చేసిన తర్వాత మెటా యాజమాన్యంలోని వాట్సాప్ ఇప్పుడు ప్లాట్‌ఫారమ్‌లో కొత్త ప్రైవసీ ఫీచర్ టెస్టింగ్ చేస్తోంది. ఇన్‌స్టంట్ మెసేజింగ్ యాప్ ఒక ప్రైమసీ ఆప్షన్ రిలీజ్ చేస్తోంది. వినియోగదారులు వారి లింక్ చేసిన డివైజ్‌లలో కాంటాక్టులను మేనేజ్ చేసేందుకు అనుమతిస్తుంది. వినియోగదారులు తమ మొబైల్ ఫోన్‌లపై ఆధారపడకుండా వారి వాట్సాప్ అకౌంట్ లింక్ చేసిన ఏదైనా ఫోన్ నుంచి కాంటాక్టులను యాడ్ చేయడం, ఎడిట్ లేదా డిలీట్ చేయొచ్చు. ఉదాహరణకు టాబ్లెట్ లేదా డెస్క్‌టాప్‌లో వాట్సాప్ ఉపయోగిస్తున్న యూజర్లు ఇప్పటికీ వారి కాంటాక్టుల జాబితాను అప్‌డేట్ చేయొచ్చు. లేటెస్టుగా చేసిన మార్పులు అన్ని లింక్ చేసిన డివైజ్‌లలో ఆటోమాటిక్‌గా సింకరింగ్ అవుతాయి. వినియోగదారులు నిర్దిష్ట అకౌంట్ (వారి ఆఫీసు అకౌంట్ వంటివి) కోసం కాంటాక్ట్ సింక్ చేయడాన్ని ఆఫ్ చేస్తే వాట్సాప్ ఆ అకౌంట్ నుంచి కాంటాక్టులను చూపడం ఆపివేస్తుంది. ఫలితంగా యూజర్ల ప్రైవసీని ప్రొటెక్ట్ చేస్తుంది. సెకండరీ అకౌంట్లలో వారి వాట్సాప్ కాంటాక్ట్ లిస్ట్‌లో నిర్దిష్ట కాంటాక్ట్‌లు కనిపించకుండా నిరోధించవచ్చు. “గూగుల్ ప్లే స్టోర్‌లో అందుబాటులో ఉన్న ఆండ్రాయిడ్ 2.24.21.26 అప్‌డేట్ లేటెస్ట్ వాట్సాప్ బీటాలో ఇన్‌స్టాల్ చేసుకోవాలి. కాంటాక్ట్ సింకరైజ్ ఆప్షన్ కోసం వాట్సాప్ కొత్త ప్రైవసీ ఫీచర్‌ను విడుదల చేయనుందని నివేదిక తెలిపింది. ప్రైవసీ ప్రొటెక్షన్ కోసం మరింత సపోర్టు ఇవ్వడానికి వాట్సాప్ క్రిప్టోగ్రాఫిక్ హ్యాష్‌లను ఉపయోగిస్తుంది. ఈ హ్యాష్‌లు వాట్సాప్ అకౌంట్లు లేని కాంటాక్ట్‌ల ఫోన్ నంబర్‌లను సురక్షితంగా ఉంచడానికి వాట్సాప్‌ను అనుమతిస్తాయి. అయితే, కాంటాక్ట్ అప్‌లోడ్ ఫీచర్‌ను దుర్వినియోగం చేయకుండా ఉండేలా మానిటరింగ్ చేయొచ్చు. కాంటాక్ట్ సింకరైజ్ నిలిపివేసినప్పటికీ, వినియోగదారులు వాట్సాప్‌లో ఇప్పటికే ఉన్న వారి కాంటాక్టులతో కనెక్ట్ కావొచ్చు. వినియోగదారులు వారు షేర్ చేసే డేటా మొత్తాన్ని పరిమితం చేయాలని ఎంచుకుంటే యాప్ ప్రధాన యాక్టివిటీని ఇది ప్రొటెక్ట్ చేస్తుంది. “అంతేకాకుండా, ఒక యూజర్ కొత్త ఫోన్‌కి మారినప్పుడు లేదా యాప్‌ను మళ్లీ ఇన్‌స్టాల్ చేస్తే.. వాట్సాప్ వారి అకౌంటుకు లింక్ చేసిన కాంటాక్టులను ఆటోమాటిక్‌గా రీస్టోర్ చేస్తుంది. కాంటాక్ట్‌లను మాన్యువల్‌గా మళ్లీ యాడ్ చేయడం లేదా రీస్టోర్ చేయాల్సిన అవసరం ఉండదని నివేదిక పేర్కొంది. వాట్సాప్ యూజర్లు తమ ప్రైవసీ ప్రాధాన్యతలపై పూర్తి కంట్రోల్ కలిగి ఉంటారు. కొత్త కాంటాక్టు ఎక్స్‌పీరియన్స్ పూర్తిగా నిలిపివేయాలని ఎంచుకుంటే భవిష్యత్ ఉపయోగం కోసం వాట్సాప్ కాంటాక్టులను క్రియేట్ చేయడం, యాడ్ చేయడం, ఎడిట్ లేదా స్టోర్ చేయకూడదనుకుంటే.. ఎప్పుడైనా వారి ప్రైవసీ సెట్టింగ్‌లలో వాట్సాప్ కాంటాక్టుల్లో సులభంగా స్టాప్ చేయొచ్చు. వాట్సాప్ యూజర్లు సొంత ప్రాధాన్యతల ప్రకారం వారి ప్రైవసీని గూగుల్ ప్లే స్టోర్ నుంచి ఆండ్రాయిడ్ లేటెస్ట్ వాట్సాప్ బీటాను ఉపయోగిస్తున్న కొంతమంది బీటా టెస్టర్లకు కాంటాక్టు సింకరైజ్ చేసేందుకు కొత్త ప్రైవసీ ఫీచర్ ఇప్పుడు అందుబాటులో ఉంది. రాబోయే వారాల్లో మరింత మంది యూజర్లకు ఈ ప్రైవసీ ఫీచర్ అందుబాటులోకి రానుంది.
0 Comments