ఇన్‌స్టాగ్రామ్‌లో రీల్స్‌ని చూస్తున్నప్పుడు కొన్ని సందర్భాల్లో మధ్యమధ్యలో వాట్సాప్ మెసేజెస్ వస్తుంటాయి. అటువంటప్పుడు ఆ వాట్సాప్ మెసేజ్ చెక్ చేయడం కోసం ఇన్‌స్టాగ్రామ్ లోంచి బయటకు రావడం, ఆ తరువాత మళ్లీ రీల్స్ చూడటం కోసం తిరిగి ఇన్‌స్టాగ్రామ్‌లోకి వెళ్లాల్సి రావడం జరుగుతుంది. ఇది ఎవరికైనా సరై కొంత చికాకు కలిగిస్తుంది. కానీ ఇప్పుడు ఇన్‌స్టాగ్రామ్ రీల్స్‌ను నేరుగా వాట్సాప్‌లోనూ చూడవచ్చు. సోషల్ మీడియా యాప్స్ ఇన్‌స్టాగ్రామ్, వాట్సాప్ వినియోగదారులను దృష్టిలో ఉంచుకొని మెటా వాట్సాప్‌లోనే ఇన్‌స్టాగ్రామ్ రీల్స్‌ను చూసేలా కొత్త అప్‌డేట్ తీసుకొచ్చింది. వాట్సాప్‌లో ఇన్‌స్టాగ్రామ్ రీల్స్‌ను చూడటం చాలా సులభం. అయితే ప్రస్తుతానికి ప్రారంభదశలో చాలా తక్కువ రీల్స్ మాత్రమే మీరు వాట్సాప్‌లో చూసే అవకాశం ఉంది. అయితే రాబోయే కాలంలో మెటా ఈ ఫీచర్‌ని మారుస్తుంది. త్వరలోనే ఎక్కువ రీల్స్ చూసే ఫీచర్‌ని తీసుకొస్తుందని తెలుస్తోంది. వాట్సాప్‌లో నిర్దిష్ట పేజీ లేదా ఒక వ్యక్తికి సంబంధించిన రీల్స్‌ను చూడాలనుకుంటే, మెటా ఏఐ ఆ సదుపాయాన్ని కూడా అందిస్తుంది. దీని కోసం చాట్ బాక్స్‌లో షో మీ ఇన్‌స్టాగ్రామ్ రీల్స్‌తో పాటు ఆ వ్యక్తి పేరును టైప్ చేయండి. అప్పుడు ఆ వ్యక్తి రీల్స్ మీ వాట్సాప్‌లో కనిపించడం ప్రారంభిస్తాయి.
0 Comments