రియల్‌మి P2 ప్రో 5G స్మార్ట్‌ఫోన్ సహా ప్యాడ్‌ 2 లైట్‌ను విడుదల !

రియల్‌మి ఇవాళ P2 ప్రో 5G స్మార్ట్‌ఫోన్ సహా ప్యాడ్‌ 2 లైట్‌ను  విడుదల చేసింది. బడ్జెట్‌ రేంజ్‌లో ఈ రియల్‌మి ప్యాడ్ 2 లైట్‌ ట్యాబ్లెట్‌ను లాంచ్ చేసింది. 8300mAh బ్యాటరీతో పనిచేస్తుంది. మరియు 10.5 అంగుళాల LCD డిస్‌ప్లేతో లాంచ్‌ అయింది. ఆండ్రాయిడ్‌ 15 OS ను కలిగి ఉంది. ఈ ప్యాడ్‌ ప్రారంభ ధర రూ.14,999 గా ఉంది. రియల్‌మి అధికారిక వెబ్‌సైట్‌, ఫ్లిప్‌కార్ట్‌ ద్వారా కొనుగోలు చేసేందుకు అందుబాటులో ఉండనుంది. రియల్‌మి ప్యాడ్‌ 2 లైట్‌ ట్యాబ్లెట్‌ 1920*1200 పిక్సల్ రిజల్యూషన్‌తో 10.5 అంగుళాల LCD 2k డిస్‌ప్లేతో విడుదల అయింది. 90Hz రీఫ్రెష్‌ రేట్‌, 450 నిట్స్‌ గరిష్ట బ్రైట్‌నెస్‌ ను కలిగి ఉంది. ఈ ట్యాబ్లెట్‌ కళ్ల రక్షణకు ప్రత్యేక ఫీచర్లను కలిగి ఉన్నాయి. రియల్‌మి ప్యాడ్‌ 2 లైట్‌ ఆండ్రాయిడ్‌ 15 ఆధారిత రియల్‌మి UI 5.0 OS ను కలిగి ఉంటుంది. మరియు మీడియాటెక్‌ హీలియో G99 ప్రాసెసర్‌ పైన పనిచేస్తుంది. రోజువారీ కార్యకలాపాలను సక్రమంగా నిర్వహించేందుకు ఈ ప్యాడ్ 2 లైట్‌ అనువుగా ఉంటుంది. రియల్‌మి డైనమిక్‌ ర్యామ్ టెక్నాలజీ ఫీచర్‌లో భాగంగా అదనంగా 8GB వరకు ర్యామ్‌ను పొడిగించుకోవచ్చు. మరియు మైక్రో SD కార్డు ద్వారా స్టోరేజీని పెంచుకొనే అవకాశం ఉంది. కెమెరా విభాగం పరంగా ఈ రియల్‌మి ట్యాబ్లెట్‌ వెనుక వైపు 8MP కెమెరా, అదే ముందువైపు 5MP కెమెరాను అమర్చారు. దీంతోపాటు 15W ఫాస్ట్‌ ఛార్జింగ్ సపోర్టుతో 8300mAh బ్యాటరీతో పనిచేస్తుంది. ఈ రియల్‌మి ట్యా్బ్లెట్‌ 8.32mm డిజైన్‌ మరియు వేగాన్‌ లెదర్‌ ఫినిష్‌తో ప్రీమియం లుక్‌ను అందిస్తుంది. ప్యాడ్‌ 2 లైట్ ట్యాబ్లెట్ 4GB ర్యామ్ + 128GB స్టోరేజీ వేరియంట్ ధర రూ.14,999 గా ఉంది. అదే 8GB ర్యామ్ + 128GB స్టోరేజీ వేరియంట్ ధర రూ.16,999 గా ఉంది. ఈ ట్యాబ్లెట్‌ను రియల్‌మి అధికారిక వెబ్‌సైట్‌, ఫ్లిప్‌కార్ట్‌ మరియు ఇతర రిటైల్‌ స్టోర్‌లలో కొనుగోలు చేయవచ్చు. సేల్‌ తేదీని త్వరలో ప్రకటించనుంది.ఈ ప్యాడ్‌తోపాటు రియల్‌మి P2 ప్రో 5G స్మార్ట్‌ఫోన్‌ ఇవాళ విడుదల అయింది. 6.7 అంగుళాల FHD+ కర్వడ్‌ అమోలెడ్‌ డిస్‌ప్లేతో లాంచ్ అయింది. ఈ డిస్‌ప్లే AI గేమింగ్‌ ఐ ప్రొటెక్షన్‌, రెయిన్‌ వాటర్‌ స్మార్ట్ టచ్‌ ఫీచర్‌ వంటి ఫీచర్లను కలిగి ఉంది. ఆండ్రాయిడ్ 14 ఆధారిత Realme UI 5.0, స్నాప్‌డ్రాగన్ 7s జెన్‌ 2 SoC చిప్‌సెట్‌ పైన పనిచేస్తుంది. ఈ హ్యాండ్‌సెట్‌ 50MP OIS కెమెరా, 8MP అల్ట్రావైడ్‌ కెమెరాను కలిగి ఉంది. మరియు 32MP సెల్ఫీ కెమెరాను కలిగి ఉంటుంది. ఈ రియల్‌మి P2 Pro 5G స్మార్ట్‌ఫోన్‌ 80W ఫాస్ట్‌ ఛార్జింగ్ సపోర్టుతో 5200mAh బ్యాటరీని కలిగి ఉంది. ఈ ఫోన్‌ IOT రిజర్వ్‌ ఛార్జింగ్‌ సహా ఇతర AI ఆధారిత ఛార్జింగ్ ఫీచర్‌లను సపోర్టు చేస్తుంది. ఈ హ్యాండ్‌సెట్ ప్రారంభ ధర రూ.21,999 గా ఉంది. సెప్టెంబర్ 17 సాయంత్రం 6PM - 8PM మధ్య ఎర్లీ బర్డ్‌ సేల్‌ నిర్వహించనున్నారు. ఈ హ్యాండ్‌సెట్‌ మూడు స్టోరేజీ వేరియంట్‌లపై రూ.2000 తగ్గింపును పొందవచ్చు. మరియు 12GB ర్యామ్ వేరియంట్‌లపై రియల్‌మి ప్రత్యేక ఆఫర్‌ కింద రూ.1000 డిస్కౌంట్‌ను అందించనుంది.