టీవీ, మానిటర్ లేకుండా గేమ్స్ ఆడుకునే పోర్టల్ రిమోట్ ప్లేయర్ !

ప్లే స్టేషన్ ఇండియా ప్రత్యేకమైన పోర్టల్ రిమోట్ ప్లేయర్ ను లాంచ్ చేసింది. దీని ద్వారా మానిటర్ లేకుండా గేమ్స్ ఆడుకునే వెసులుబాటు కలుగనుంది. ఈ ప్లే స్టేషన్ పోర్టల్ రిమోట్ ను ప్లే స్టేషన్ కన్సోల్లో జస్ట్ ఇన్ స్టాల్ చేయడం ద్వారా దీనిని చక్కగా వినియోగించుకోవచ్చు. అయితే ఇది కొన్ని అనుకూల గేమ్స్ కు మాత్రమే పనిచేస్తుంది. అంతేకాక కేవలం ప్లే స్టేషన్ ఐదు లేదా ప్లే స్టేషన్ నాలుగు కన్సోల్లో మాత్రమే ఈ ప్లే స్టేషన్ పోర్టల్ రిమోట్ ప్లేయర్ పనిచేస్తుంది. దీని ధర రూ. 18,990గా ఉంది. ఇది సోని సెంటర్లు, అమెజాన్, ఫ్లిప్ కార్ట్, క్రోమా, రిలయన్స్, విజయ్ సేల్స్, బ్లింకిట్ వంటి స్టోర్లలో ఆగస్టు మూడో తేదీ నుంచి అందుబాటులోకి వస్తుంది. అయితే ప్రస్తుతం అమెజాన్ లో ఈ పోర్టల్ ప్లేయర్ ధర రూ. 24,520గా ఉంది. తక్కువ ధరకు కావాలంటే మూడో తేదీ వరకూ వేచి ఉండాల్సిందే. ఈ ప్లే స్టేషన్ పోర్టల్ రిమోట్ ప్లేయర్ ధర ఆర్ఓజీ అల్లీ, ఎంఎస్ఐ క్లాలతో పోల్చితే చాలా తక్కువగా ఉంటుంది. ఆర్ఓజీ అల్లీ, ఎంఎస్ఐ క్లా లను మీరు స్టాండ్ అలోన్ హ్యాండ్ హెల్డ్ గేమింగ్ డివైజ్ గా వినియోగించుకోవచ్చు. ఈ పోర్టల్ పనిచేయాలంటే మీ పీసీకి ఉన్న అదే వైఫై కనెక్షన్ కావాలి. ఒకే కనెక్షన్ ఉంటే టీవీ లేకుంటే కనెక్షన్ అందుబాటులో ఉండే ఏప్రాంతంలో అయినా వినియోగించుకోవచ్చు. ప్లేస్టేషన్ పోర్టల్ రిమోట్ ప్లేయర్ ఇది టీవీ అవసరాన్ని తొలగిస్తుంది. ఈ పరికరం పీఎస్5 మరియు పీఎస్4 రెండింటితో సహా మీ పీఎస్5లో ఇన్‌స్టాల్ చేయబడిన ఏవైనా అనుకూలమైన గేమ్‌లను ప్లే చేయగలగుతుంది. రిమోట్ ప్లేయర్ డ్యూయల్‌సెన్స్ వైర్‌లెస్ కంట్రోలర్‌ని ఉపయోగిస్తుంది. ఇది హాప్టిక్ ఫీడ్‌బ్యాక్, అడాప్టివ్ ట్రిగ్గర్‌లను కలిగి ఉంటుంది. రిమోట్ ప్లేయర్ 8-అంగుళాల పూర్తి హెచ్డీ ఎల్సీడీ స్క్రీన్‌ను కలిగి ఉంది. ఇది 1080పీ రిజల్యూషన్‌లో 60ఎఫ్పీఎస్ వరకు గేమ్‌ప్లేకు మద్దతు ఇస్తుంది.