రష్యాలో కార్యకలాపాలు నిలిపివేసిన శామ్ సంగ్, మైక్రోసాఫ్ట్ !

ఉక్రెయిన్‌పై రష్యా జరుపుతున్న దాడి కారణంగా టెక్ సంస్థలు చాలా వరకు రష్యాపై తమ యొక్క వ్యతిరేకతను తెలిపాయి. ఆపిల్‌తో సహా అనేక ఇతర ప్రధాన సంస్థలు ఆ దేశంతో తమ యొక్క సంబంధాలను తెంచుకోవడంతో శామ్‌సంగ్ సంస్థ కూడా భౌగోళిక రాజకీయ పరిణామాల దృష్ట్యా రష్యాకు తమ యొక్క ఎగుమతులను నిలిపివేసినట్లు సంస్థ తెలిపింది. దక్షిణ కొరియా టెక్ దిగ్గజం ప్రపంచంలోనే అతి పెద్ద మెమరీ చిప్ తయారీదారు మరియు రష్యాలో ప్రముఖ స్మార్ట్‌ఫోన్ విక్రయదారు కూడా. "ప్రస్తుత భౌగోళిక రాజకీయ పరిణామాల కారణంగా రష్యాకు ఎగుమతులు నిలిపివేయబడ్డాయి" అని శామ్ సంగ్ ఒక ప్రకటనలో తెలిపింది. తాజా పరిణామాల దృష్ట్యా మైక్రోసాఫ్ట్ సంస్థ కూడా రష్యాలో తమ యొక్క ఉత్పత్తుల విక్రయాలను మరియు సర్వీసులను నిలిపివేస్తున్నట్లు టెక్ దిగ్గజం ప్రకటించింది. పాశ్చాత్య ప్రభుత్వాలు, క్రీడా సంస్థలు మరియు పెద్ద కంపెనీలు రష్యాను నిందిస్తున్నాయి. ఒక బిలియన్ పరికరాలపై పనిచేసే సాఫ్ట్‌వేర్ వెనుక ఉన్న US-ఆధారిత కంపెనీ రష్యాలో "Microsoft ఉత్పత్తులు మరియు సేవల యొక్క అన్ని కొత్త అమ్మకాలను తాత్కాలికంగా నిలిపివేస్తామని" తెలిపింది అయితే విధానం ఎలా వర్తింపజేయబడుతుందో వివరించడానికి నిరాకరించింది.