ఏసర్ స్మార్ట్ఫోన్ మార్కెట్లో మరో కొత్త డివైస్ను పరిచయం చేసింది. కంపెనీ తన తాజా స్మార్ట్ఫోన్ ఏసర్ సోస్పిరోను విడుదల చేసింది. డ్యూయల్ డిస్ప్లే డిజైన్, 64 మెగాపిక్సెల్ AI కెమెరా, 5000mAh బ్యాటరీ వంటి ఆకర్షణీయమైన ఫీచర్లతో ఈ ఫోన్ వినియోగదారులను ఆకట్టుకునేలా ఉంది. దీనిని ప్రస్తుతం అమెరికా మార్కెట్లో విడుదల చేశారు. అయితే, ఈ స్మార్ట్ఫోన్ ధరను కంపెనీ ఇంకా అధికారికంగా ప్రకటించలేదు. ఫోన్ ఇప్పటికే అధికారిక వెబ్సైట్లో లిస్ట్ అయ్యింది. ఇది ఆరెంజ్, బ్లూ కలర్ ఆప్షన్లలో అందుబాటులోకి రానుంది. 6.67 అంగుళాల HD+ IPS డిస్ప్లే 120Hz రిఫ్రెష్ రేట్ కు మద్దతు ఇస్తుంది. వాటర్డ్రాప్ నాచ్ డిజైన్తో ఫోన్ ఆకర్షణీయమైన రూపాన్ని సంతరించుకుంది. ఈ ఫోన్ ప్రత్యేకత వెనుక భాగంలో ఇచ్చిన 1.88 అంగుళాల TFT సెకండరీ డిస్ప్లే. దీని ద్వారా నోటిఫికేషన్లు చూడడం, మ్యూజిక్ ప్లేబ్యాక్ నియంత్రించడం, అలాగే ప్రధాన కెమెరాతోనే సెల్ఫీలు తీసుకునేందుకు వ్యూఫైండర్గా ఉపయోగించుకోవచ్చు. ఈ ఫోన్లో Unisoc T615 చిప్సెట్ను ఉపయోగించారు. ఇందులో 6GB RAM, 128GB ఇంటర్నల్ స్టోరేజ్ లభిస్తుంది. అదనంగా 14GB వరకు వర్చువల్ RAM సపోర్ట్ కూడా ఉంది. మైక్రోSD కార్డ్ ద్వారా స్టోరేజ్ను 1TB వరకు విస్తరించుకోవచ్చు. ఈ స్మార్ట్ఫోన్ Android 16 ఆపరేటింగ్ సిస్టమ్పై పనిచేస్తుంది. అయితే, ఇందులో 5G కనెక్టివిటీ లేకపోవడం కొంతమంది వినియోగదారులకు నిరాశ కలిగించే అంశంగా చెప్పవచ్చు. 64 మెగాపిక్సెల్ AI ప్రైమరీ కెమెరాను అందించారు. దీనికి తోడు మరో సెకండరీ సెన్సార్, LED ఫ్లాష్ ఉన్నాయి. సెల్ఫీలు, వీడియో కాల్స్ కోసం ముందు భాగంలో 16 మెగాపిక్సెల్ ఫ్రంట్ కెమెరాను అమర్చారు. ఈ ఫోన్లో 5000mAh భారీ బ్యాటరీను అందించారు. దీనికి 18W ఫాస్ట్ ఛార్జింగ్ సపోర్ట్ కూడా ఉంది. రోజువారీ వినియోగానికి తగిన బ్యాటరీ బ్యాకప్ను ఇది అందించగలదని కంపెనీ తెలిపింది. దీనిలో పలు ఆధునిక కనెక్టివిటీ ఫీచర్లు ఉన్నాయి. వాటిలో Wi-Fi, Bluetooth 5.0, NFC, GPS, VoLTE, ViLTE, FM రేడియో, USB Type-C పోర్ట్, 3.5mm హెడ్ఫోన్ జాక్ అదనంగా, ఫోన్కు IP64 రేటింగ్ ఉండటంతో దుమ్ము, నీటి చినుకుల నుంచి రక్షణ లభిస్తుంది. భద్రత కోసం సైడ్-మౌంటెడ్ ఫింగర్ప్రింట్ సెన్సార్ ను కూడా అందించారు.
0 Comments