త్వరలో వివో X ఫోల్డ్ 6 ఫోల్డబుల్ ఫోన్ విడుదల ?

చైనా మార్కెట్లో వివో ఫోల్డబుల్ ఫోన్ 'వివో X ఫోల్డ్ 6' ను త్వరలోనే లాంచ్ చేయడానికి సిద్ధమవుతోంది. మీడియాటెక్‌తో కలిసి వివో ప్రత్యేకంగా రూపొందించిన ఒక పవర్‌ఫుల్ చిప్‌సెట్ , అధునాతన ఏఐ ఫీచర్లతో ఈ ఫోన్ రాబోతోంది. గతంలో వచ్చిన వివో X ఫోల్డ్ 5 కి సక్సెసర్‌గా వస్తున్న ఈ సరికొత్త ఫోల్డబుల్ డివైజ్‌లో ఏకంగా 6,900mAh బ్యాటరీ, 200 మెగాపిక్సెల్ కెమెరా ఉండబోతున్నట్లు సమాచారం. వివో ప్రొడక్ట్ మేనేజర్ హాన్ బోక్సియావ్ చైనీస్ సోషల్ మీడియా ప్లాట్‌ఫారమ్ 'వైబో' ద్వారా ఈ ఫోన్‌కు సంబంధించిన ఆసక్తికర విషయాలను పంచుకున్నారు. వివో X Fold 6 స్మార్ట్‌ఫోన్ మీడియాటెక్ డైమెన్సిటీ 9500 సూపర్ చిప్‌సెట్‌తో వస్తున్న ప్రపంచంలోనే మొదటి ఫోన్‌గా నిలవబోతోంది. ఇది సాధారణ డైమెన్సిటీ 9500 చిప్‌సెట్ కంటే చాలా భిన్నమైనది , శక్తివంతమైనది. ఈ స్పెషల్ మొబైల్ ప్లాట్‌ఫారమ్‌ను కేవలం ఫోల్డబుల్ స్మార్ట్‌ఫోన్ల కోసమే వివో , మీడియాటెక్ సంస్థలు కలిసి దాదాపు రెండేళ్ల పాటు శ్రమించి కస్టమ్-డెవలప్ చేశాయని ఆయన పేర్కొన్నారు.