ఐదు సంవత్సరాల సెక్యూరిటీ అప్‌డేట్‌లతో మోటరోలా ఎడ్జ్ 70 ఫ్యూజన్ కొత్త వేరియంట్

దేశీయ మార్కెట్లో మోటరోలా తన మీడియం రేంజ్ 5G స్మార్ట్‌ఫోన్ మోటరోలా ఎడ్జ్ 70 ఫ్యూజన్ కొత్త వేరియంట్‌ను విడుదల చేసింది. ఈ ఏడాది మార్చిలో లాంచ్ అయిన ఈ ఫోన్, ఆకర్షణీయమైన డిజైన్, భారీ బ్యాటరీ, శక్తివంతమైన కెమెరా సిస్టమ్ తో వినియోగదారుల నుంచి మంచి ఆదరణ పొందింది. యూజర్ల డిమాండ్‌ను దృష్టిలో ఉంచుకుని కంపెనీ ఇప్పుడు 12GB RAM + 512GB స్టోరేజ్ వేరియంట్‌ను అందుబాటులోకి తీసుకొచ్చింది. మోటరోలా ఈ ఫోన్ కొత్త 12GB RAM + 512GB స్టోరేజ్ వేరియంట్ ధరను రూ.36,999గా నిర్ణయించింది. ఇందులో 6.8-అంగుళాల 1.5K క్వాడ్-కర్వ్డ్ ఎక్స్‌ట్రీమ్ AMOLED స్క్రీన్ ఉంది. 144Hz రిఫ్రెష్ రేట్, సూర్యరశ్మిలో కూడా స్పష్టంగా కనిపించడం కోసం 5200 నిట్స్ మ్యాక్సిమం బ్రైట్ నెస్ ఉన్నాయి. కార్నింగ్ గొరిల్లా గ్లాస్ 7i స్క్రీన్‌ను రక్షిస్తుంది. ఇందులో ఇన్-డిస్ప్లే ఫింగర్‌ప్రింట్ సెన్సార్ కూడా ఉంది. ఈ ఫోన్ 2.7GHz వరకు వేగంతో పనిచేసే శక్తివంతమైన క్వాల్‌కామ్ స్నాప్‌డ్రాగన్ 7s జెన్ 4 (4nm) ప్రాసెసర్‌తో పనిచేస్తుంది. ఈ ఫోన్ మోటో AI 2.0 ఆధారిత తాజా ఆండ్రాయిడ్ 16 పై రన్ అవుతుంది. 7000mAh బ్యాటరీ, ఇది 68W టర్బోపవర్ ఫాస్ట్ ఛార్జింగ్‌కు మద్దతు ఇస్తుంది. వెనుక వైపున 50MP సోనీ LYT710 OIS ప్రధాన సెన్సార్, 13MP అల్ట్రా-వైడ్ యాంగిల్ లెన్స్ ఉన్నాయి.  సెల్ఫీలు, వీడియో కాలింగ్ కోసం అద్భుతమైన 32MP ఫ్రంట్ కెమెరా ఉంది. ఈ ఫోన్ MIL-STD 810H మిలిటరీ-గ్రేడ్ సర్టిఫికేషన్‌తో అత్యంత దృఢంగా ఉంటుంది. ఇది నీరు, ధూళి నిరోధకత కోసం IP68, IP69 అండర్‌వాటర్ ప్రొటెక్షన్ రేటింగ్‌లను కూడా కలిగి ఉంది. ఇది Wi-Fi 6E, బ్లూటూత్ 6.0, NFC లకు సపోర్ట్ చేస్తుంది. ఈ ఫోన్‌తో మూడు సంవత్సరాల OS అప్‌గ్రేడ్‌లు, ఐదు సంవత్సరాల సెక్యూరిటీ అప్‌డేట్‌లకు కంపెనీ హామీ ఇస్తోంది.