భర్తపై భార్య భౌతిక దాడి : రెండేళ్లుగా వేధింపులకు గురిచేస్తున్న భార్య : సోషల్ మీడియాలో వైరల్

ఒక వీడియో సోషల్ మీడియాలో వైరల్ అవుతుంది. దీనిలో ఒక మహిళ తన భర్తపై భౌతిక దాడికి పాల్పడుతున్నట్లు చూపుతున్న దృశ్యాలను @VishalMalvi అనే 'X' యూజర్ పంచుకున్నారు. ఆ పోస్ట్ ప్రకారం, సదరు వ్యక్తి గత రెండేళ్లుగా తన భార్య చేతిలో వేధింపులకు గురవుతున్నాడు. చివరకు భరించలేక తన ల్యాప్‌టాప్‌ ద్వారా ఆ ఘటనలను రికార్డ్ చేయడం ప్రారంభించాడు. ఆ క్లిప్స్‌లో ఒక మహిళ తన భర్తను పదేపదే చెంపదెబ్బలు కొట్టడం, జుట్టు పట్టుకుని లాగడం వంటి దృశ్యాలు కనిపిస్తున్నాయి. ఈ వీడియోను షేర్ చేస్తూ, "గత రెండేళ్లుగా వేధింపులకు గురవుతున్న ఈ వ్యక్తి, తన ల్యాప్‌టాప్‌లో ఈ దృశ్యాలను రికార్డ్ చేశాడు. పెళ్లి చేసుకునే ముందు రెండుసార్లు ఆలోచించండి" అని ఆ యూజర్ క్యాప్షన్ ఇచ్చారు. ఈ వీడియో మరియు ఆ సందేశం వెనువెంటనే వైరల్ కావడంతో, పురుషులపై జరిగే గృహ హింస గురించి నెటిజన్లు పెద్ద ఎత్తున స్పందిస్తున్నారు. "వివాహ బంధం అంటేనే భయం వేస్తోంది. నేను నిజంగా భయపడుతున్నాను" అని ఒకరు వ్యాఖ్యానించారు. "ఇది ఫెమినిజం కాదు, మంగళసూత్రం ధరించి చేస్తున్న గృహ ఉగ్రవాదం. విదేశాల్లో ఉండే సోదరులారా: భారతీయ వివాహాలకు దూరంగా ఉండండి, మీ ప్రాణాలు ముఖ్యం" అని మరొకరు పేర్కొన్నారు. "ఈ మహిళను వెనకేసుకొచ్చే సోకాల్డ్ ఫెమినిస్టులు ఇప్పుడు ఎక్కడ ఉన్నారో!" అని మరొక యూజర్ ప్రశ్నించారు.