ఎస్ఐ వేధింపులు తాళలేక ఉరివేసుకొని ఆత్మహత్య చేసుకున్న మెడికల్ ఆఫీసర్‌ !

మహారాష్ట్రలోని సతారా జిల్లాలోని మహారాష్ట్ర ఫల్తాన్ సబ్-డిస్ట్రిక్ట్ హాస్పిటల్‌లో మెడికల్ ఆఫీసర్‌గా పని చేస్తున్న యువ డాక్టర్ సంపద ముండే బుధవారం రాత్రి ఫల్తాన్‌లోని ఓ హోటల్ గదిలో ఉరివేసుకొని ఆత్మహత్య చేసుకుంది. ఆమె చేతిపై రాసుకున్న సూసైడ్ నోట్‌లో ఒక పోలీస్ అధికారి మానసిక వేధింపులకు గురిచేస్తున్నాడని ఆరోపించింది. సంపద ముండే చేతిపై రాసుకున్న నోట్‌లో పోలీస్ సబ్-ఇన్‌స్పెక్టర్  గోపాల్ భాద్నే తనను మానసికంగా, శారీరక వేధింపులకు గురిచేశాడని, అతను ఆమెను ఐదు నెలల్లో 4నాలుగుసార్లు బలవంతంగా లైంగిక సంబంధం పెట్టుకున్నాడని ఆరోపించింది. అలాగే మరొక పోలీస్ అధికారి ప్రశాంత్ బంకార్ మానసికంగా ఒత్తిడికి గురి చేశాడని నోట్​ లో రాసింది. సంపద ముండే ఆరోపణలు పోలీసులను తీరుకు అద్దం పడుతున్నాయని, నిందితులపై చర్యలకు వైద్యసంఘాలు డిమాండ్​ చేశాయి.