ఫోన్ మాట్లాడుతూ రోడ్డు దాటుతుండగా కారు ఢీకొని వ్యక్తి మృతి

తెలంగాణలోని మేడ్చల్ జిల్లా పోచారం ఐటీ కారిడార్ పోలీస్ స్టేషన్ పరిధిలో అన్నోజిగూడలో గిరి అనే వ్యక్తి ఫోన్ మాట్లాడుతూ రోడ్డు దాటుతుండగా కారు ఢీకొట్టింది. ఈ ప్రమాదంలో 10 మీటర్లు గాల్లోకి ఎగిరిపడ్డాడు. తీవ్ర గాయాలైన బాధితున్ని స్థానికులు గాంధీ ఆస్పత్రికి తరలించారు. అక్కడ చికిత్స పొందుతూ సోమవారం తెల్లవారుజామున మృతి చెందాడు. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు. సెల్ ఫోన్ మాట్లాడుతూ డ్రైవింగ్ చేయడం, రోడ్డు దాటడం వంటివి చెయ్యొద్దని పోలీసులు హెచ్చరిస్తున్నారు.