నథింగ్ ఫోన్ (2) ఈ వేసవిలో లాంచ్ కాబోతోంది ఇదేమీ రహస్యం కాదు. ఈ 5G ఫోన్ యొక్క రాకను కంపెనీ ఇప్పటికే ధృవీకరించింది. అయితే ఇంకా ఖచ్చితమైన లాంచ్ తేదీని వెల్లడించలేదు. క్వాల్కమ్ SVP మరియు మొబైల్, కంప్యూట్ మరియు XR యూనిట్ల GM అయిన అలెక్స్ కటౌజియన్ అనుకోకుండా లింక్డ్‌ఇన్‌లో నథింగ్ ఫోన్ (2) స్నాప్‌డ్రాగన్ 8+ Gen 2 SoCతో వస్తుందని ధృవీకరించారు. ఇది తాజా ప్రాసెసర్ చిప్ కానప్పటికీ, ఇది ఇటీవలి ఫ్లాగ్‌షిప్ ఫోన్‌లకు శక్తినిచ్చే చాలా వేగవంతమైన చిప్. ఫ్లాగ్‌షిప్ చిప్‌ని ఉపయోగించడం వలన ఈ ఫోన్ ధర మునుపటి మోడల్ కంటే కొంచెం ఎక్కువగా ఉండవచ్చని సూచిస్తుంది. ఒకసారి గుర్తుచేసుకోవడానికి ప్రయత్నిస్తే , మొదటి నథింగ్ ఫోన్ (1) భారతదేశంలో రూ. 32,999 ప్రారంభ ధరతో లాంచ్ చేయబడింది. ఈ ఫోన్ మధ్య శ్రేణి స్నాప్‌డ్రాగన్ 778G+ చిప్‌ని ఉపయోగిస్తోంది. నథింగ్ ఫోన్ (2) FHD+ డిస్‌ప్లేతో వస్తుందని చెప్పబడింది. ఇది 120Hz రిఫ్రెష్ రేట్‌కు మద్దతుతో అమోలెడ్ స్క్రీన్‌ను కలిగి ఉంటుందని తెలుస్తోంది. ముందు భాగంలో పంచ్-హోల్ డిస్‌ప్లే డిజైన్‌ను చూడవచ్చు, ఇది పరిశ్రమలో తాజా ట్రెండ్. ఇక మిగతా స్మార్ట్‌ఫోన్ డిజైన్‌లో మార్పు కనిపిస్తుందో లేదో తెలియదు. స్టిల్ కెమెరా షాట్ ల కోసం ఈ ఫోన్ OIS కి మద్దతు ఇస్తుంది. ఇది, 50 మెగాపిక్సెల్ ప్రైమరీ కెమెరాతో సహా ట్రిపుల్ రియర్ కెమెరా సెటప్‌ను కూడా మనం చూడవచ్చు. ఇతర సెన్సార్ల వివరాలు ఇంకా తెలియలేదు. ఇది తాజా ఆండ్రాయిడ్ 13 OS సాఫ్ట్‌వేర్‌లో రన్ అయ్యే అవకాశం ఉంది. కంపెనీ గత సంవత్సరం మోడల్‌తో ఈ సరికొత్త సాఫ్ట్‌వేర్‌ను అందించింది మరియు కొత్త వెర్షన్‌లో కూడా అందించాలని మేము భావిస్తున్నాము. 5,000mAh బ్యాటరీని కూడా చూడవచ్చు. ఇది 33W ఫాస్ట్ ఛార్జింగ్ కు మద్దతుతో వస్తుంది. ఇది, మునుపటి మోడల్‌లో చూసిన 4,500mAh బ్యాటరీ యూనిట్ కంటే పెద్ద అప్‌గ్రేడ్ అవుతుంది. కంపెనీ 67W ఫాస్ట్ ఛార్జింగ్ టెక్‌కు కూడా మద్దతునిస్తుంది. ఇది వైర్‌లెస్ ఛార్జింగ్ టెక్నాలజీ ని కూడా అందిస్తుంది. ఈ ఫోన్ ధర రూ. 40,000 శ్రేణిలో ఉండవచ్చని స్పెసిఫికేషన్లు సూచిస్తున్నాయి.
0 Comments